Կեսգիշերից հետո երաժշտությունն արգելելու Թուրքիայի նախագահ Ռեջեփ Էրդողանի որոշումը զայրացրել է սոցցանցերի թուրք օգտատերերին, գրում է Ahval-ը:
Էրդողանը խոստացել է իսլամական դպրոցներ բացել՝ նախատեսված իսլամական հոգեւորականության ուսուցման համար, եւ բարձրացնել ալկոհոլի եւ ծխախոտի հարկերը:
«Մենք ամենասկզբից ասում էինք, որ այդ արգելքները գաղափարական են»,-ասել է ժողովրդահանրապետական կուսակցության առաջնորդ Քեմալ Քըլըչդարօղլուն:
Սոցցանցի օգտատերերը տարածում են #KUSURABAKIYORUZ հեշթեգը, որպեսզի իրենց զայրույթը հայտնեն Էրդողանի որոշման կապակցությամբ:
«Մեր երկրում 00:00-ից հետո գործում է երաժշտության արգելք: Այո, սա Թուրքիան է: Նրանք փորձում են արգելափակել ամեն ինչ, ինչ կապ ունի արվեստի եւ մշակույթի հետ: Նրանք մեզանից խլում են մեր ազատությունը»,-ասում է օգտատերերից մեկը:
