News
Լրահոս
News
Շաբաթ
Հուլիս 31
Տեսնել լրահոսը

Ծայրահեղականները 2020 թվականին ձգտում էին գլոբալ համավարակը «ատելության խոսք տարածելու եւ պետական ինստիտուտների նկատմամբ անվստահությունը խորացնելու համար» օգտագործել: Այս մասին նշված է Եվրոպոլի զեկույցում, հայտնում է AP-ն:

COVID-19-ը, ինչպես նաեւ դրա հետեւանքով առաջացած տնտեսական ճգնաժամը եւ սոցիալական հուզումները «նպաստեցին հասարակության բեւեռացմանը՝ առաջացնելով կոշտ հարաբերություններ, այդ թվում՝ բռնի գործողությունների կոչեր»,- ասված է զեկույցում:

Որպես օրինակէ բերվում Նիդեռլանդներում մի տղամարդու կալանավորումը, որը օրենսդիրների եւ առողջապահական ոլորտի աշխատակիցների «քաղաքացիական կալանքի» կոչ էր անում: Նիդեռլանդների կառավարության մեկուսացման միջոցառումների հակառակորդների կողմից բռնությունը ներառում է քարերի եւ հրավառությունների նետում մի քաղաքապետարան եւ վանդալիզմ COVID-19-ի թեստերի անցկացման վայրերում:

Այս տարի բռնությունները թեժացել են. մարտին հոլանդական ձկնորսական գյուղում ամբոխը հրդեհել էր փորձարարական տարածքը, իսկ մարտին տեղի էր ունեցել պայթյուն, որը վնասել էր Ամստերդամից հյուսիս գտնվող փորձարկման հաստատության ապակիները:

«ԵՄ-ում ահաբեկչության իրավիճակի վերաբերյալ Եվրոպոլի վերջին զեկույցը ցույց է տալիս, որ COVID համավարակի տարում առցանց արմատականացման ռիսկն աճել է: Սա հատկապես ճիշտ է աջակողմյան ահաբեկչության համար»,- հայտարարել է ԵՄ ներքին գործերի հանձնակատար Իլվա Յոհանսոնը:

Եվրոպոլը 2020 թվականին հաշվել է, ընդհանուր առմամբ, 57 «ավարտված, ձախողված կամ կանխված ահաբեկչություն» ԵՄ վեց երկրներում եւ 62 «ահաբեկչական միջադեպ»՝ Մեծ Բրիտանիայում: ԵՄ-ում ահաբեկչության հետ կապված ձերբակալությունների թիվը 2019-ից մեկ երրորդով նվազել է՝ հասնելով 449-ի:

Անցյալ տարի ծայրահեղականների հարձակումների հետեւանքով ընդհանուր առմամբ զոհվել էր 21 մարդ, 9-ը՝ Գերմանիայում աջակողմյան հարձակման, եւ 12-ը՝ ջիհադականներից ներշնչված վեց հարձակումների հետեւանքով:

Եվրոպոլը նշել է, որ ջիհադականների բոլոր հարձակումներն իրականացվել են միայնակ, թեեւ նրանցից ոմանք կապ են ունեցել ահաբեկչական խմբավորումների հետ:

Զեկույցում ասվում է, որ ահաբեկչական գործողություններում պայթուցիկ նյութերի օգտագործումը նվազել է, հավանաբար, COVID-19-ի հետ կապված կարանտինի պատճառով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ում դիմակների վաճառքն ավելացել է «դելտա» շտամի տարածման աճի հետ կապված
Դիմակների վաճառքն այս շաբաթ ավելացել է 24 տոկոսով...
Ճապոնիայում կրկին գրանցվել է կորոնավիրուսով վարակվելու օրական առավելագույն ցուցանիշը
Նախորդ հակառեկորդները հաստատվել էին հինգշաբթի...
Ավստրալիան կրկին կբացի սահմանները, երբ բնակչությանը 80 տոկոսը պատվաստվի
Այս մասին հայտարարել է երկրի վարչապետ Սքոթ Մորիսոնը:
Այս տարվա 6 ամիսներին Covid-19-ի շրջանակներում պարգեւատրումը կազմել է 82,3 մլն դրամ. ԱՆ հաշվետվությունը
Համավարակով պայմանավորված՝ ծախսերը կրում են շարունակական բնույթ, որոնց մասին տեղեկատվությունը պարբերաբար կթարմացվի...
Ռիո դե Ժանեյրոն չորս օր կտոնի սահմանափակումների չեղարկումը համավարակից հետո
Սեպտեմբերի 2-5-ը Ռիո դե Ժանեյրոն կտոնի սանիտարական սահմանափակումների չեղարկումը...
Արցախում մեկ օրում կատարվել է 26 թեստավորում, կորոնավիրուսային հիվանդության նոր դեպք չի գրանցվել
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով…
Ամենաշատ