News
Լրահոս
News
Չորեքշաբթի
Օգոստոս 17
USD
406.09
EUR
411.41
RUB
6.62
Տեսնել լրահոսը

Թուրքմենստանի մայրաքաղաք Աշխաբադը շրջանցել է Հոնկոնգին՝ որպես աշխարհի ամենաթանկ քաղաքը օտարերկրյա աշխատողների համար:

«Լուրջ եւ համատարած տնտեսական ընկճախտի» պատճառով Բեյրութը Mercer 2021 վարկանիշում բարձրացել է երրորդ տեղը՝ մեկ տարի առաջ 45-րդից:

«Աշխաբադը երկրորդից առաջին տեղ է բարձրացել «տեղական բարձր ինֆլյացիայի» պատճառով»,- AFP-ին ասել է Mercer France-ի մոբիլության համաշխարհային պրակտիկայի ղեկավար Ժան-Ֆիլիպ Սարան:

Թուրքմենստանը գրեթե ամբողջությամբ կախված է բնական գազի արտահանումից եւ փորձում է հաղթահարել 2014-ին էներգիայի համաշխարհային գների անկումը, որը հարվածել է տեղական արժույթին եւ շատ քաղաքացիների աղքատության մեջ է գցել: Չնայած երկարատեւ տնտեսական ճգնաժամին, մայիսին իշխանությունները սկսել են Աշխաբադի լայնածավալ ընդլայնումը, եւ նախագահ Գուրբանգուլի Բերդիմուհամեդովը խոստացել է այն դարձնել «աշխարհի ամենաբարեկեցիկ քաղաքներից մեկը»:

Մինչ Հոնկոնգը, իր հայտնի թանկարժեք բնակարաններով, իջել է երկրորդ տեղը, Տոկիոն նույնպես իջել է չորրորդ տեղը:

Ցյուրիխը նահանջել է հինգերորդ տեղը եւ մտել շվեյցարական թոփ-10-ի լավագույն քաղաքների եռյակ՝ Ժնեւի (8) եւ Բեռնի (10) հետ միասին:

Չինաստանի երկու այլ քաղաքներ արտագաղթողների համար աշխարհում ամենաթանկերից են՝ Շանհայը բարձրացել է վեցերորդ, իսկ Պեկինը՝ իններորդ տեղը:

Սինգապուրը հայտնվել է յոթերորդ տեղում:

Ըստ Mercer-ի՝ ԱՄՆ-ի քաղաքների վարկանիշն այս տարի ընկել է, ինչը հիմնականում պայմանավորված է արտարժույթի տատանումներով:

Նյու Յորքը նահանջել է ութ հորիզոնականով, բայց պարզվել է, որ ամենաթանկն է երկրում՝ 14-րդ տեղում է:

Ըստ ուսումնասիրության՝ օտարերկրյա աշխատողների համար աշխարհում ամենաէժան քաղաքը Ղրղըզստանի մայրաքաղաք Բիշքեկն է:

!
Այս նյութը հասանելի է նաև   Русский
Տպել
Ֆոտոռեպորտաժներ