Սինգապուրի Բարձր դատարանը 30 տարվա ազատազրկման է դատապարտել մի կնոջ՝ մեկ տարվա դաժան վերաբերմունքից՝ սովից, խոշտանգումներից ու ծեծից հետո սպասուհու սպանության համար, հաղորդել է Reuters-ը:
Փետրվարին Սինգապուրի բնակիչ Գայատիրի Մուրուգայանն իրեն մեղավոր է ճանաչել Պիանգ Նգաիհ Դոնի նկատմամբ վատ վերաբերմունքի եւ նրա սպանության մեջ. սպասուհին 24 տարեկան է եղել եւ 14 ամիս դաժան ծեծի է ենթարկվել, ինչը ավարտվել է 2016 թվականին վերջինիս մահվամբ:
Դատավորը հայտարարել է, որ չնայած 40-ամյա Մուրուգայանը տառապում է լուրջ հոգեկան խնդիրներով, նրա կատարած հանցագործությունները նողկալի եւ կանխամտածված են: