News
Լրահոս
News
Կիրակի
Նոյեմբեր 28
Տեսնել լրահոսը

Հունիսի 28-ից Մոսկվայում հասարակական սննդի հաստատություններ կկարողանան այցելել միայն կորոնավիրուսի դեմ պատվաստված, կես տարվա ընթացքում վարակված կամ երեքօրյա ՊՇՌ բացասական թեստ ունեցող քաղաքացիները: Այս մասին իր բլոգում նշել է Մոսկվայի քաղաքապետ Սերգեյ Սոբյանինը:

Կորոնավիրուսից պաշտպանված լինելը հաստատվելու է QR կոդով, որը կարելի է ստանալ Մոսկվայի էլեկտրոնային բժշկական քարտերից, mos.ru պորտալից կամ UMIAS.INFO-ից, պետական ​​եւ համայնքային ծառայությունների ընդհանուր պորտալից կամ «Госуслуги.Стопкоронавирус» հավելվածից, ինչպես նաեւ քաղաքային պոլիկլինիկայի ռեգիստրատուրայից: Թղթային տեղեկանքները կամ վկայականները չեն ընդունվելու, հաղորդել է Ինտերֆաքս-ը:

Քաղաքապետը շեշտել է, որ ռեստորաններից եւ սրճարաններից պահանջվելու է ստեղծել QR կոդերի ստուգման համակարգ: Ֆուտ-կորտերը բաց են լինելու միայն վերահսկման համակարգը ստուգելուց հետո: Այն հաստատությունները, որոնք չեն կատարի պահանջները, կկարողանան աշխատել միայն դուրս բերելու կամ առաքման միջոցով:

«Քաղաքացիներն իրավունք ունեն օգտվել QR կոդից, որը հաստատում է ՌԴ-ում պետական ​​գրանցում անցած նոր կորոնավիրուսային վարակի դեմ քաղաքացիների կողմից կա՛մ պատվաստանյութի երկրորդ բաղադրիչի, կա՛մ մեկ բաղադրիչ պատվաստանյութի ստացումը», - ասվում է երեքշաբթի հրապարակված հրամանում:

Սոբյանինը խոստովանել է, որ մարդկանց մոտ կարող են հարցեր առաջանալ՝ կապված պատվաստումների, հաղթահարած հիվանդության կամ հանձնած ՊՇՌ թեստ տվյալների՝ շտեմարաններում տեղեկատվության բացակայության հետ կապված: «Այս խնդիրները լուծելու համար ստեղծվել է հատուկ վերլուծական խումբ, որը աշխատելու է հնարավորինս օպերատիվ կերպով: Վերլուծական խմբի հետ կարող եք կապվել mos.ru պորտալի ձեր անձնական հաշվի միջոցով», - նշել է նա:

Քաղաքապետի հրամանից նաեւ բխում է, որ հունիսի 22-ից երկարաձգվելու են նախօրոք սահմանված սահմանափակումները հասարակական սննդի եւ ակումբների՝ 23:00-ից 6:00-ը տեւող աշխատաժամերի, ինչպես նաեւ խաղասենյակներ եւ կենդանաբանական այգիներ այցելելու եւ պուրակների ենթակառուցվածքներից օգտվելու սահմանափակումները, բացառությամբ տաղավարների:

!
Այս նյութը հասանելի է նաև   Русский
Տպել
Կարդացեք նաև
Ամբողջը
AstraZeneca-ի մշակողները կասկածի տակ են դրել համավարակի նոր ալիքը՝ COVID-19-ի նոր շտամի պատճառով
Նոր պատվաստանյութի մշակումը, արդեն այս շտամի դեմ, կարող է իրականացվել կարճ ժամկետներում…
Գերմանիայում եւ Չեխիայում կորոնավիրուսի «օմիկրոն» շտամ է հայտնաբերվել
Առաջիկայում այս տեղեկությունը կհաստատվի կամ կհերքվի...
ԱՀԿ-ն ահազանգում է կորոնավիրուսի նոր շտամի՝ «Օմիկրոնի» մասին, այն ավելի արագ է տարածվում, քան նախորդները․ԱՆ
Կորոնավիրուսային հիվանդության նոր շտամը, որն ունի շուրջ 50 մուտացիա, որից 30-ը սպայկային սպիտակուցում, առաջին անգամ արձանագրվել է Հարավային Աֆրիկայի Հանրապետությունում․․․
Համաշխարհային բժշկական ասոցիացիայի ղեկավարը կորոնավիրուսի նոր շտամը Էբոլայի հետ է համեմատել
Դեռևս հստակ տվյալներ չկան, թե որքանով է վտանգավոր այս շտամը…
Ռուսաստանում մեկ օրում գրանցվել է կորոնավիրուսի 33.946 դեպք
Ռուսաստանի Դաշնությունում COVID-19-ի հայտնաբերված դեպքերի թիվը մեկ օրում ավելացել է 33.946-ով...
Վրաստանում կորոնավիրուսի 4058 նոր դեպք է հաստատվել
Մեկ օրում պատվաստվել է 10.179 մարդ...