News
Լրահոս
News
Հինգշաբթի
Օգոստոս 05
Տեսնել լրահոսը


Ես չեմ կարող խախտել իմ երդումը: Այս մասին հունիսի 22-ին Ստեփանակերտում կայացած հանրահավաքի ժամանակ հայտարարել է Արցախի նախագահ Արայիկ Հարությունյանը՝ ի պատասխան հրաժարական տալու կոչերին: «Հիմարություն կլինի կարծել, որ ինձ դուր է գալիս այս իրավիճակը եւ որ անձամբ ես շահագրգռված եմ շարունակել պաշտոն զբաղեցնել: Կամ որ կառչում եմ աթոռից: Ես ինձ պատասխանատու եմ զգում մեր սերունդների առաջ: Այնքան պատասխանատու, որ անհեռատես գործողություններով կամ փախչելով չեմ կարող ոչնչացնել մեր պետականությունը: Ես այդպիսին չեմ:

Նրանք խոսում են փախչելու եւ դավաճանության մասին, եւ այն մասին, որ թշնամին կրակ չի բացել նախագահական նստավայրի ուղղությամբ: 44-օրյա պատերազմի ընթացքում ես 38 այց եմ կատարել պատերազմի ամենաթեժ կետեր: Բոլորը, ովքեր առաջնագծում են եղել, գիտեն այդ մասին: Քարվաճառից մինչեւ Եղնիկներ եւ Ջաբրայիլ՝ շփման գծի բոլոր ուղղություններով: Ամեն տեղ եղել եմ: Ասում են՝ շենքի ուղղությամբ կրակ չի բացվել:

Իսկ դուք հարցրեք՝ ես ընդհանրապես այդ շենքո՞ւմ էի, որ դրա ուղղությամբ կրակեին», - ասել է նա: Ըստ նրա՝ ոմանք շահարկում են Հայաստանի ու Արցախի հարաբերությունները: «Պետք է հասկանալ, որ երկու երկրների ղեկավարները պարտավոր են նորմալ հարաբերություններ պահպանել՝ անկախ նրանից, թե ով է Հայաստանում իշխանության ղեկին: Առանց Հայաստանի հետ ներդաշնակ աշխատանքի ինչպե՞ս եք պատկերացնում ավելի քան 35 հազար քաղաքացիների սոցիալական խնդիրների լուծումը: Այս խնդրի պատճառով Մարտակերտի եւ Շահումյանի տասնյակ հազարավոր քաղաքացիներ զրկված են մեր երկրում ապրելու հնարավորությունից:

Այսօր յուրաքանչյուր ժամը կարեւոր է, եւ մենք պետք է համախմբվենք այս խնդիրները լուծելու համար՝ անկախ քաղաքական հայացքներից: Հետպատերազմյան շրջանում եւս Հայաստանը կարեւոր դեր է խաղում Արցախի կյանքում՝ բյուջետային հատկացումներից մինչեւ սոցիալական աջակցություն», - հավելել է Հարությունյանը: Ելույթի վերջում նա բոլորին հրավիրել է երթով շարժվել դեպի Եղբայրական գերեզման: Հիշեցնենք, որ Արայիկ Հարությունյանի հրաժարականի պահանջով Ստեփանակերտում հանրահավաք է անցկացվում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իշխող մեծամասնությունից ԱԺ փոխխոսնակ. Մենք անհավասար պայքար են մղել թշնամու հետ
«Մենք արել ենք այնքան, որքան հնարավոր էր...
«Հայաստան». Ադրբեջանի հետ սահմանների սահմանագծումն ու սահմանազատումը ներկա պայմաններում վտանգավոր է
«Այս գործընթացը պետք է սկսել, երբ կստեղծվեն բոլոր պայմանները խաղաղության պահպանման համար...
Վարանդայի շրջանում ևս մեկ զինծառայողի աճյուն է հայտնաբերվել
Այսպիսով, զինադադարից հետո Արցախի գրավյալ տարածներից տարհանվել է 1630 աճյուն...
ԱԹՍ-ների թռիչքներ միշտ էլ կան, հարց է, թե ինչ գործողություններ են կատարվում սահմանի ադրբեջանական հատվածում․ Աբրահամյան
ԱԹՍ-ների ակտիվության թեմայի մասին խորը դատողություններ անելու համար պետք է․․․
Այն երկիրը, որն ի վիճակի չէ պաշտպանել սեփական սահմանները, խոսել ինքնիշխանության մասին շատ դժվար է. Սեյրան Օհանյան
Միայնակ դիվանագիտական ճանապարհով այդ խնդիրը լուծելը շատ դժվար է. դա պետք է անենք մեր ռազմավարական գործընկերների եւ ՀԱՊԿ-ի հետ...
Համեմատություն դնելիս հիշեք՝ մինչև 2018-ը ադրբեջանցիները Գորիս-Կապան ճանապարհին չէին․ Գեղամ Նազարյանը՝ իշխանությանը
Հիշեք, որ 2018-ից հետո ձեր վարած արկածախնդիր քաղաքականության պատճառով․․․