Ինչու Հայրենիքի փրկության շարժումը չունեցավ այն արդյունքը, որը սպասում էր, որովհետեւ երբ մեր դաշինքում ներկայացված քաղաքական ուժերը փողոցներում, վրանների տակ պայքարում էին այս իշխանությունների դեմ՝ Հայրենիքի փրկության շարժման օրակարգի շրջանակներում, այլ քաղաքական ուժեր նախընտրական շտաբներ էին ձեւավորում, զբաղված էին իրենց անձնական PR-ով: Այս մասին այսօր՝ հունիսի 23-ին, մամուլի ասուլիսի ժամանակ նշեց «Պատիվ ունեմ» դաշինքի վարչապետի թեկնածու, «Հայրենիք» կուսակցության նախագահ Արթուր Վանեցյանը։
«Ամենավեջինը մենք ենք հայտարարել, որ մասնակցելու ենք ընտրությունների: Մենք չենք ունեցել անգամ ժամանակ ճիշտ քաղաքական դիրքավորում ունենալու: Մենք ընտրություններին մասնակցել ենք ստիպված»,-ասաց նա:
