News
Լրահոս
News
Ուրբաթ
Մարտ 29
Տեսնել լրահոսը

Այո, առանց զինվորական գրքույկների զինվորներ են եկել քվեարկելու, սակայն մենք թույլ չենք տվել դա անել: Այս մասին 168.am-ի  հետ զրույցում նշել է Սյունիքի մարզի Շիկահող գյուղի 35/38 ընտրատեղամասային հանձնաժողովի նախագահ Լիանա Մարտիրոսյանը:

«Ես զինվորներին չեմ տեսել: Ինձ է մոտեցել սպայական համազգեստով մի անձնավորություն ու հարցրել, որ իր մոտի ցուցակում կան զինվորներ, որոնք զինվորական գրքույկներ չունեն, դրանք կորցրել են պատերազմի ընթացքում, կարո՞ղ են արդյոք նրանք քվեարկել: Խոսքն իրենց մոտ եղած ցուցակների մասին է, իրենք իրենց ցուցակով էին նայում: Մենք էլ, առանց որևէ ցուցակ նայելու, ասացինք՝ ոչ, չեն կարող, քանի որ զինվորական գրքույկն է վկայում զինվորի ինքնությունը»,- ասաց հանձնաժողովի նախագահը:

Լիանա Մարտիրոսյանի խոսքով՝ սպայական համազգեստով անձնավորությունը զրույցը չի շարունակել, քննարկում չի ծավալել:

«Ասաց՝ եղավ»,- նշեց հանձնաժողովի նախագահը:

Հարցին՝ ներկայացե՞լ է արդյոք սպայական համազգեստով անձը, Լիանա Մարտիրոսյանն ասաց՝ ոչ, չի ներկայացել, բայց նրա հագուստը տարբերվում էր զինվորների հագուստից, սպայի համազգեստ էր:

«Չգիտեմ էլ՝ ով էր: Չի ներկայացել, ես էլ, ճիշտն ասած, չեմ հարցրել: Ես զինվորներին չեմ տեսել, նրանք տեղամասում չեն եղել, դրսում էին: Ինձ հարցրեցին՝ կարո՞ղ են ընտրել, ասացի՝ ո՞ւր են գրքույկները, պատասխանեցին՝ գրքույկ չունեն, կորցրել են պատերազմի ընթացքում: Ես էլ միանգամից ասացի, որ չեն կարող քվեարկել»,- ասաց Սյունիքի մարզի Շիկահող գյուղի 35/38 ընտրատեղամասի նախագահը:

Վերջինիս խոսքով՝ մյուս զինվորները, ովքեր ունեցել են զինվորական գրքույկներ, մասնակցել են քվեարկությանը:

«Սպայական հագուստով այդ անձնավորությունը մնաց տեղամասում, հսկում էր զինվորներին, կարգուկանոն էր պահպանում: Երևի պատասխանատուն էր, չգիտեմ: Զինգրքույկներ չունեցող զինվորներին չեմ տեսել, միայն ասացին, որ թվով մինչև 10 մարդ են: Էլի եմ շեշտում, ես սա իրենց ասելով եմ ասում, իրենք ասացին, որ նրանց անունները ցուցակում կան: Ես ոչ ցուցակ եմ նայել, ոչ զինվոր եմ տեսել: Քանի որ զինգրքույկ չկար, հետաքրքիր չէր, չի էլ քննարկվել»,- ասաց Լիանա Մարտիրոսյանը՝ հավելելով՝ ներսում այդ անձնավորության կողմից տարօրինակ վարքագիծ չի արձանագրել:

«Մենք հետևում էինք, որ ներսում 15 հոգուց ավելի մարդ չլիներ, որովհետև այդ տեղամասում նաև տեղի բնակիչներն են ընտրում: Որպես զինվորների պատասխանատու՝ ես խնդրում էի, որ նա զինվորներին ուշադիր լինի, հերթականությունը պահի»,- եզրափակեց Լիանա Մարտիրոսյանը:

Այս պատմության մեջ պակաս կարևոր ու տարօրինակ չէ այն հանգամանքը, որ պետական համակարգի տոտալ փլուզման ու անգործության արդյունքում ունենք իրավիճակ, երբ պատերազմից 7 ամիս անց չեն վերականգնվել պատերազմի մասնակից զինվորների զինվորական գրքույկները, եթե, իհարկե, քվեարկությանը մասնակցել ցանկացողներն իսկապես զինվորներ են եղել:

Տպել
Կարդացեք նաև
Ամբողջը
2021թ. ԱԺ ընտրություններին ընտրակաշառք տալու գործով հերթական դատավճիռն է կայացվել. Մեղադրյալը ԲՀԿ-ից է
ՀՀ ոստիկանության Գավառի բաժնում 2021թ. հունիսի 9-ին ՀՀ քրեական օրենսգրքի…
2021թ. ԱԺ ընտրությունների հետ կապված 29 գործով դատի է տրվել 53 անձ, 6-ի վերաբերյալ կա մեղադրական դատավճիռ. ամփոփում
Ըստ այդմ՝ նախաքննության և հետաքննության մարմիններին ուղարկված հաղորդումների առթիվ ընդհանուր առմամբ հարուցվել է 87 քրեական գործ, որոնցով...
ԱԺ արտահերթ ընտրությունների հետ կապված 22 գործով դատի է տրվել 46 անձ, 76 տոկոսը՝ ընտրակաշառքի համար. ամփոփում
Մեղադրյալներից 8-ը եղել են արտահերթ խորհրդարանական ընտրություններին մասնակցած կուսակցության կամ կուսակցության դաշինքի թեկնածուներ…
ԵԽԽՎ դիտորդական հանձնաժողովի ղեկավար. Հայաստանի ընտրողների մոտ 25 տոկոսը ներկայացված չէ խորհրդարանում
Նրա խոսքով՝ միակ բացառությունը բավական բարձր անցումային շեմն էր՝ 5 տոկոս կուսակցությունների համար եւ 7 տոկոս կոալիցիայի համար։
«ՔՊ». Այս տարվա արտահերթ խորհրդարանական ընտրություններն ամենալեգիտիմն էին Հայաստանի պատմության մեջ
«Հաշվի առնելով այդ ամենը՝ ես ամբողջ պատասխանատվությամբ հայտարարում եմ...
ԱԺ արտահերթ ընտրություններին ընտրական հանցագործությունների մասին 16 գործ՝ 24 անձի վերաբերյալ, ուղարկվել է դատարան
ՀՀ գլխավոր դատախազությունը շարունակում է ներկայացնել 2021թ. հունիսի 20-ին կայացած ՀՀ Ազգային ժողովի արտահերթ ընտրությունների ողջ ընթացքում, ինչպես...
Ամենաշատ