ՀՀ վարչապետի պաշտոնակատար Նիկոլ Փաշինյանի գլխավորած կառավարությունն այսօր՝ հունիսի 24-ին, անցկացնում է իր հերթական նիստը: Նիստի օրակարգում ընդգրկված է 34 հարց, որից 31-ը չի զեկուցվում: Եվս երկու հարց գաղտնի է:
Նշենք, որ կառավարության նիստը երկուշաբաթյա թաթարից հետո կրկին վարում է վարչապետի պաշտոնակատար Նիկոլ Փաշինյանը, ով արդեն վերադարձել է արձակուրդից:
Օրակարգում են, մասնավորապես, հետեւյալ հարցերը.
- «Ճանապարհային երթևեկության անվտանգության ապահովման մասին» Հայաստանի Հանրապետության օրենքում փոփոխություն կատարելու մասին» օրենքի նախագծին հավանություն տալու մասին,
- Արտաքին գովազդ տեղադրելու թույլտվության վերաձևակերպման կարգը սահմանելու մասին,
- «ԻՆՏԵՐԱԿՏԻՎ ՍՄԱՐԹ ՏԵԽՆՈԼՈՋԻ ՖԵԶ» սահմանափակ պատասխանատվությամբ ընկերությունը «Ալյանս» ազատ տնտեսական գոտու շահագործողների ռեեստրում ներառելու մասին,
- «ԱՐՏԵԿ ՓՈՎԵՐ ՍԻՍՏԵՄՍ» սահմանափակ պատասխանատվությամբ ընկերությունը «Ալյանս» ազատ տնտեսական գոտու շահագործողների ռեեստրում ներառելու մասին,
- Հայաստանի Հանրապետություն թուրքական ծագում ունեցող ապրանքների ներմուծման ժամանակավոր արգելքի մասին եւ այլ հարցեր: