Ես Խաչատուր Սուքիասյանին անձամբ չեմ ճանաչում, ճանաչում եմ պարոն Գուրգեն Արսենյանին. Պարոն Արսենյանը իմ ճանաչած բացառիկ հայրենասեր մարդկանցից է, որի հետ իմ արժեքային համակարգն ամբողջությամբ սինխրոն է: Այս մասին, այսօր՝ հունիսի 24-ին, կառավարության նիստից հետո լրագրողների հետ ճեպազրույցում նշեց Էկոնոմիկայի նախարարի պաշտոնակատար Վահան Քերոբյանը՝ անդրադառնալով հարցին, թե ինչպես է գնահատում, որ իշխող ուժը տարիներ շարունակ դեմ էր արտահայտվում բիզնեսի եւ քաղաքականության սերտաճմանը, իսկ հիմա իր խմբակցությունում հայտնի գործարարներ կան:
«Ես վստահ եմ, որ պարոն Արսենյանի մասնակցությունը պետական կառավարմանը միայն օգուտ է տալու հայ ժողովրդին: Վստահ եմ նաեւ, որ ոչ մի օգուտ չի տալու իր բիզնեսին, որովհետեւ ինքն ինքնաբավ մարդ է եւ որեւէ լրացուցիչ փող աշխատելու կարիք բացարձակապես չունի:
Հայաստանի օրենքներով արգելված չէ, որ որեւէ մարդ ընդգրկվի որեւէ կուսակցության ցուցակում: Ես ինձ միշտ վատ եմ զգացել, որ քաղաքականությունն ու բիզնեսը իրարիս տարանջատելիս այնպիսի տպավորություն է եղել, որ բիզնեսմենները հանցագործ են: Եթե Վահան Քերոբյանը բիզնեսմեն է, հետո իրեն առաջարկում են նախարար, ինքը գալիս է ու սկսում է հարստանալ աչքի առաջ, ապա ինքը օրենքներ է խախտում եւ պետք է պատասխան տա: Իսկ եթե նա գալիս է ամբողջ օրն աշխատում է ազգի համար եւ տեղյակ էլ չի, թե իր բիզնեսը ոնց է գնում, դա նույնն է, որ ուրիշ այլ մարդիկ գային ու աշխատեին»,-ասաց նա:
Հարցին, թե ինքը ցանկություն ունի՞ շրունակել իր աշխատանքը կառավարությունում, Վահան Քերոբյանը պատասխանեց. «Եթե հնարավորություն լինեի շարունակել ծառայել ժողովրդին, ապա ես պատրաստ եմ»: