News
Լրահոս
News
Հինգշաբթի
Օգոստոս 05
Տեսնել լրահոսը

ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանը հունիսի 23-ին այցելել է Գյումրու տեխնոլոգիական կենտրոն:

Նախարարությունից NEWS.am-ին հայտնում են, որ նախարարի պաշտոնակատարը շրջել է կենտրոնում, եղել ճարտարագիտության և մուլտիմեդիայի լաբորատորիաներում, համակարգչային լսարաններում, ծանոթացել է տեխնոկենտրոնի էկոհամակարգին, գործող ընկերություններին, ընթացիկ և առաջիկա ծրագրերին:

«Սինոփսիս» ընկերության Գյումրու մասնաճյուղում նախարարի պաշտոնակատարը ծանոթացել է ընկերության գործունեությանը, ինչպես նաև կրթական ծրագրերին և վերապատրաստման դասընթացներին։

Նշվել է, որ ներկայումս կրթական ծրագրերում ընդգրկված է 40 ուսանող: Հայաստանի «Սինոփսիս»-ը ազգային պոլիտեխնիկական համալսարանի և Երևանի պետական համալսարանի հետ կրթական ծրագրերը սկսել է իրականացնել 2019 թվականի սեպտեմբերին, ինչին հաջորդել է ընկերության բիզնես գործունեության մեկնարկը 2020 թվականի փետրվարին:

«Սիներջի Ինթընեշընլ Սիսթըմզ» ընկերության Գյումրու գրասենյակում նախարարին ներկայացվել է ընկերության ընթացիկ ծրագրերը, մասնավորապես՝ ընկերությունը նախատեսում է ամառային դպրոց բացել, որտեղ փորձառու դասավանդողները տեխնոդասընթացներ կանցկացնեն, իրենց փորձն ու հմտությունները կփոխանցեն երիտասարդներին:

Հաջորդիվ Հայկ Չոբանյանն այցելել է «Ռեսալ Սոֆտ» ընկերության գրասենյակ, որը ԲՏԱ նախարարության կողմից հայտարարված Կորոնավիրուսի տնտեսական հետևանքների չեզոքացման 17-րդ միջոցառման ծրագրի շրջանակներում հաղթող կազմակերպություններից մեկն է: Ընկերության ղեկավար Արտակ Գևորգյանը ներկայացրել է ընկերության գործունեությունը, նշել, որ հիմնականում իրականացնում են կազմակերպությունների բարդ և ընթացիկ աշխատանքային պրոցեսների ավտոմատացում, մանրամասնել ապահովագրական ծառայությունների միասնական հարթակ ստեղծելու ծրագիրը:

Նախարարի պաշտոնակատարն այցելել է նաև մի շարք այլ տեխնոլոգիական ընկերությունների գրասենյակներ, զրուցել է աշխատակիցների հետ՝ նշելով, որ տեխնոհամայնքը կարող է դրական փոփոխություններ բերել գյումրեցիների կյանքում:

Գյումրու տեխնոլոգիական կենտրոնը տարածաշրջանում ամենամեծ տեխնոլոգիական ինկուբատորն է: Այն ստեղծվել է 2013 թվականին ՀՀ կառավարության, Ձեռնարկությունների Ինկուբատոր հիմնադրամի և Համաշխարհային բանկի կողմից: Կենտրոնն աջակցություն է տրամադրում տարածաշրջանում արդեն գործող և սկսնակ ձեռնարկություններին առաջարկելով՝ գրասենյակային տարածքներ, բիզնես աջակցության, համագործակցության և խորհրդատվության լայն շրջանակներ:

Տպել
Կարդացեք նաև
Ամբողջը
Սմարթֆոնների համար գիշերային ռեժիմն անօգուտ են անվանել
Գիտնականները գիշերային ռեժիմը թեստավորել են Google Pixel 2, Pixel 4, Pixel 5 եւ Moto Z3 սմարթֆոնների վրա: Դրանց վրա բացել են հաշվիչը, Google-օրացույցը, Google Maps-ը, Google News-ը, Google Phone-ը եւ YouTube-ը: Ապարատները թեստավորել են երկու վիճակով՝ սովորական ռեժիմով եւ գիշերային ռեժիմով:
Google-ը աշնանը կներկայացնի նոր չիպի վրա աշխատող սմարթֆոններ
Նրա խոսքով՝ սմարթֆոնները կաշխատեն նոր Tensor չիպի վրա, որը ստեղծվել է հատուկ Pixel մոդելների համար...
ATEME ընկերությունը «Տելեկոմ Արմենիա»-ին կտրամադրի IP հեռուստատեսության նոր պլատֆորմ
ATEME-ն IPTV ամբողջական պլատֆորմ կտրամադրի Հայաստանում հեռահաղորդակցության առաջատար մատակարարին...
Google-ը ներկայացրել է ԱԻ-ով իր առաջին բջջային չիպով աշխատող ֆլագմանային Pixel սմարթֆոնը
Օստերլոյի խոսքով՝ Pixel 6-ի ապարատային եւ ծրագրային ապահովման համադրությունը բարձրացնում է սմարթֆոնի՝ մարդկանց ասածը հասկանալու ունակությունը, ինչը եւս մի քայլ է դեպի «շրջակա միջավայրի հաշվարկումների» ապագան...
Համացանցում փակ մուտքով TikTok-ի կլոն է հայտնվել
Նոր հարթակի հիմնական նպատակն է խթանել ազատ դեբատները երիտասարդների շրջանում...
Apple-ը հեռացրել է չպատվաստվածների ծանոթությունների համար հավելվածը
Unjected-ում Apple-ի գործողությունները գրաքննություն են համարել...