Ադրբեջանի պաշտպանական արդյունաբերության նախարար Մադաթ Գուլիեւը հանդիպել է Բելառուսի Հանրապետության պաշտպանական արդյունաբերության կոմիտեի նախագահ Դմիտրի Պանտուսի հետ:
Ըստ ադրբեջանական լրատվամիջոցների, կողմերը քննարկել են Ադրբեջանի եւ Բելառուսի միջեւ ռազմատեխնիկական ոլորտում առկա հարաբերությունները եւ հետագա համագործակցության հեռանկարները: Գոհունակություն հայտնելով հանդիպումից` Դմիտրի Պանտուսը նշել է, որ նման քննարկումները կարեւոր դեր են խաղում երկկողմ ռազմական կապերի ընդլայնման գործում, եւ համոզմունք է հայտնել, որ Ադրբեջանի եւ Բելառուսի միջեւ ռազմատեխնիկական ոլորտում համագործակցությունը այսուհետ եւս կշարունակվի:
