News
Լրահոս
News
Երեքշաբթի
Հուլիս 27
Տեսնել լրահոսը

Հունիսի 25-ին հրավիրվել է Արցախի ԱԺ պաշտպանության, անվտանգության և օրինապահպանության հարցերի մշտական հանձնաժողովի նիստ: Օրակարգում ոստիկանության համակարգին առնչվող 2 հարց էր: Այս մասին NEWS.am-ը տեղեկանում է Արցախի ԱԺ-ից:

«Ոստիկանությունում ծառայության մասին» օրենքում փոփոխություններ և լրացումներ կատարելու մասին» օրինագծի լրամշակված տարբերակը ներկայացվել է մայիսի 21-ին: Նախագծով առաջարկվում է՝

ոստիկանության կրտսեր, միջին, ավագ և գլխավոր խմբերի պաշտոններում նշանակել նաև Արցախի Հանրապետության այն քաղաքացիներին, ովքեր միաժամանակ հանդիսանում են այլ պետության քաղաքացի,

ոստիկանության գլխավոր կոչումներ շնորհելու իրավասությունը վերապահել Արցախի Հանրապետության նախագահին,

ոստիկանությունում ծառայության անցնելու համար սահմանել տարիքային ստորին շեմ՝ 18 տարեկան, հստակեցնել ծառայության անցնելու համար ներկայացվող պահանջները,

թափուր պաշտոնները համալրել մրցույթային կարգով և կարգավորել մրցույթի անցկացման հետ կապված հարաբերությունները,

ոստիկանության ծառայողի ատեստավորումն անցկացնել ոչ թե պարտադիր, այլ անհրաժեշտության դեպքում,

բարձրացնել ոստիկանությունում ծառայության տարիքային սահմանափակումների վերին շեմերը՝ որոշ խմբերում (ոստիկանության պետի համար ավելացվող ծառայության ժամկետը 3-ից դարձնել 5 տարի, գլխավոր խմբի համար՝ 60-ից դարձնել 62 տարեկանը):

Մի շարք իրավակարգավորումները հստակեցնելու, ինչպես նաև նոր ընթացակարգեր, պայմաններ և սահմանափակումներ սահմանելու նպատակով անհրաժեշտություն է առաջացել «Ոստիկանության մասին» օրենքում կատարել համապատասխան փոփոխություններ և լրացումներ: Նախագծով առաջարկվում է՝

օրենսդրորեն ամրագրել ոստիկանության կողմից կոնկրետ պաշտպանության միջոցների իրականացման ընթացակարգերը:

մարդու իրավունքների պաշտպանության նպատակով ոստիկանության շենքերի մուտքերն ու ելքերը կահավորել համապատասխանաբար տեսագրող ու տեսաձայնագրող համակարգերով:

Նախագծով սահմանվում են հավաքված անձնական տվյալների պահպանման ժամկետները և երրորդ անձանց փոխանցելու դեպքերը:

ԱՀ ոստիկանության պետ Արտյոմ Հարությունյանը հիմնավորեց օրենսդրական փոփոխությունների անհրաժեշտությունը, որից հետո պատասխանեց պատգամավորական հարցադրումներին:

Նախագծերը քվեարկության դրվեցին:ԱԺ պաշտպանության,անվտանգության և օրինապահպանության հարցերի մշտական հանձնաժողովի անդամները միաձայն կողմ քվեարկեցին:

!
Այս նյութը հասանելի է նաև   English
Տպել
Կարդացեք նաև
Ամբողջը
Արցախի ՄԻՊ-ը չհայտարարված այց է կատարել Ստեփանակերտի գիշերօթիկ հաստատություն
Այցի ընթացքում նա անմիջական միջավայրում շփվել է երեխաների հետ, առանձնազրույցներ ունեցել երեխաների և տնօրինության հետ ...
«Ոչինչ չենք խնայելու». Արտակ Բեգլարյանը՝ Ստեփանակերտի Մոր և մանկան առողջության պահպանման կենտրոնում
Արդյունավետ առողջապահության համակարգ ունենալու համար...
Արցախում հաստատվել է կորոնավիրուսի մեկ դեպք. մեկ օրում կատարվել է 130 թեստավորում
Կորոնավիրուսային հիվանդությունից այս պահին Արցախում ստացիոնար բուժում է ստանում 5 վարակակիր, իսկ թեթև hիվանդները ամբուլատոր բուժում են ստանում տնային պայմաններում…
Վիտալի Բալասանյանի մոտ քննարկվել են Արցախի 8 համայնքներում ՏԻՄ արտահերթ ընտրություների հետ կապված հարցեր
Արցախի ԱԽ քարտուղարությունից NEWS.am-ին հայտնում են, որ ներկայացվել են հետպատերազմական ժամանակահատվածում ընտրական գործընթացներ...
Արցախում կորոնավիրուսի նոր դեպք չի գրանցվել. Կատարվել է 33 թերստավորում
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 10000 քաղաքացու հետազոտություն, որից 952-ի մոտ արձանագրվել է դրական թեստի պատասխան...
Արցախում ամուսնությունների թիվն աճել է
Ընդհանուր առմամբ՝ 2020 թվականի առաջին կիսամյակի համեմատ՝ 2021 թվականի առաջին կիսամյակում ծննդյան ակտային գրանցումների թիվը նվազել է 326-ով…
Ամենաշատ