2020թ-ին տեղի է ունեցել կենսաթոշակների համատարած բարձրացում, կենսաթոշակի միջին չափը բարձրացել է ավելի քան 7%-ով։ Այս մասին ֆեյսբուքյան իր էջում տեղեկացրել է ՀՀ փոխվարչապետի պաշտոնակատար Տիգրան Ավինյանը։
«Մինչ այդ 5 տարի շարունակ կենսաթոշակները չէին ավելացել։ 2020 թվականից 2018-ի համեմատ կենսաթոշակները բարձր են մոտ 9%-ով, իսկ 2008թ-ի համեմատ՝ ավելի քան 2 անգամ»,- գրել է Ավինյանը, ով նաեւ տեսանյութ է տարածել:
Տեսանյութում նշվում է, որ 2020-ին բարձրացել են 34 հազար զինկենսաթոշակառուների, 470 հազար աշխատանքային կենսաթոշակառուների թոշակի չափերը եւ 71 հազար նպաստառուների նպաստների չափերը:
2020-ին կենսաթոշակառուների միջին կենսաթոշակի չափը կազմել է 43 590 դրամ:
