Աբխազիայի իշխանությունները երկրում կորոնավիրուսի հնդկական շտամ են հայտնաբերել, սակայն չեն կարողացել նշել նոր մուտացիայով վարակվածների հստակ թիվը, գրել է Լենտա.ռու- ն:
Չի պարզաբանում, թե արդյո՞ք խոսքը վարակի «դելտա» կոչվող տեսակի մասին է, որն ավելի վարակիչ է եւ ավելի ծանր ընթացք ունի: Չեն տրվում նաեւ հանրապետությունում շտամի տարածման այլ մանրամասներ:
Ըստ վերջին տվյալների՝ Աբխազիայում համավարակի սկզբից ի վեր 16.693 մարդ է վարակվել կորոնավիրուսով, վարակի զոհ է դարձել առնվազն 244 մարդ: Ընդ որում, երկիր մուտք գործելու համար նախկինի պես չի պահանջվում կորոնավիրուսի դեմ պատվաստում: Ռուսաստանի քաղաքացիների համար, ի տարբերություն այլ օտարերկրացիների, COVID-19-ի թեստի բացասական արդյունքի պահանջ չի գործում: