Քիմ Քարդաշյանն իր համար հարսանյաց զգեստի փնտրտուքի մեջ է: Այս շաբաթ հեռուստաաստղն իր քրոջ` Քորթնիի հետ, մտել է հարսանյաց զգեստների հայտնի դիզայներ Վերա Վոնգի խանութներից մեկը:
«US Magazine» ամսագրի հավաստմամբ` Քարդաշյանը նույնիսկ անձամբ է հանդիպել դիզայների հետ:
Ըստ շրջանառվող լուրերի, հեռուստաստղի` բասկետբոլիստ Քրիս Համֆրիսի հետ ամուսնությունը կցուցադրվի հեռուստացույցով, հաղորդել է «ABC» հեռուստաալիքը:
«Դա կլինի երկու ժամանոց հաղորդում»,- հեռուստալիքին ասել է աղբյուրը` հավելելով, որ Քիմն այնքան է հարմարվել տեսախցիկներին, որ նույնիսկ չի նկատում դրանք:
«Քիմն, իրոք, ցանկանում է, որ իր երկրպագուները տոնեն այդ օրն իր հետ միասին»,- ասել է նա:
Քիմի քրոջ` Քլոե Քարդաշյանի հարսանիքն իսկական հիթ էր դարձել եւ հեռուստաէկրանների մոտ հավաքել էր 3,2 միլիոն հեռուստադիտողներ:
Ավելի վաղ հաղորդվել էր, որ ամերիկյան «People» ամսագիրը պատրաստ է միլիոններ վճարել` Քիմ Քարդաշյանի հարսանիքի լուսաբանման իրավունքի համար, որը նախատեսված է այս տարվա հոկտեմբերին: