14 թափառական ասիական վայրի փղեր, որոնք գրավել են ամբողջ աշխարհը՝ իր իրենց չարաճճի արարքներով, ուղեւորվել են դեպի հարավ՝ հարավարեւմտյան չինական Յունան նահանգի Էշան շրջան: Այս մասին գրում է Daily Mail-ը:
Չինաստանում գրանցված փղերի ամենաերկար միգրացիաներից մեկի ընթացքում ծանրաշարժ կաթնասուների նախիրն իրենց տնից մոտ 500 կիլոմետր ճանապարհ է անցել: Անցած օրվա ընթացքում կենդանիները 23 կմ դեպի հարավ են գնացել:
Գիտնականները դեռ մտածում են, թե ինչն է դրդել փղերին լքել Լաոսին սահմանակից վայրի բնության Սիշուանբանա ազգային արգելոցում գտնվող իրենց տունը:
Անցյալ տարվա գարնանը ճանապարհ ընկնելուց ի վեր կենդանիները կողոպտել են խանութներ եւ ոտնատակ տվել ավելի քան 1 միլիոն դոլար արժողությամբ բերք, իսկ հազարավոր բնակիչներ տարհանվել են նրանց ճանապարհից: Ավելի քան մեկ ամիս է, ինչ ոստիկանությունը ուղեկցում է նախրին, կենդանիների տեղաշարժը հեշտացնելու համար փակում ճանապարհները եւ սնունդը օգտագործում, որպեսզի շեղի կենդանիներին խիտ բնակեցված տարածքներ մտնելու ճանապարհից:
Հարավարեւմտյան Յունան նահանգում, որտեղից եկել են փղերը, անտառները հատվում են՝ տեղը զիջելով կաուչուկի եւ թեյի պլանտացիաներին, իսկ կենդանիները տան փնտրտուքներում ստիպված են տեղափոխվել տարբեր արգելոցներ: