Volvo-ն ցուցադրել է Recharge էլեկտրական մեքենան. այն պատկերացում է տալիս ընկերության ապագա էլեկտրամոբիլների ինտերյերի մասին: Նախատիպը տարբերվում է ֆիրմային ոճի նոր մեկնաբանությամբ եւ անսովոր չորստեղանոց սրահով: Բացի այդ, կոնցեպտը ստացել է ինքնավար կառավարման համակարգի եւ գերարագ լիցքավորման նոր տարրեր:
Volvo Recharge-ն իր դիզայնում ունի այն առավելությունները, որոնք նախագծողներին տալիս է ավանդական ներքին այրման շարժիչից հրաժարումը: Դրա շնորհիվ հնարավոր է, օրինակ, փոխել քրոսովերի թափքի համամասնությունները եւ մեծացնել ներքին տարածքը:
Նորույթի դիզայնը Volvo-ում նկարագրված էր «քիչ, բայց ավելի լավ» արտահայտությամբ. Recharge-ը ազատել են բոլոր ավելորդ արտաքին դետալներից: Կոնցեպտի լուսարձակները դեռ օգտագործում են «Թորի մուրճի» գաղափարը, սակայն առաջարկում են դրա նոր մեկնաբանություն: