News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

Հայաստանի հարավում սրված իրավիճակը չի համապատասխանում ՀԱՊԿ հավաքական պաշտպանության մասին կանոնադրության դրույթներին եւ համարվում է «սահմանային միջադեպ»: Այս մասին լրագրողների հետ զրույցում ասել է ՀԱՊԿ գլխավոր քարտուղար Ստանիսլավ Զասը, հաղորդում է «ՏԱՍՍ»-ը: 

«Պետք է հասկանալ, որ ՀԱՊԿ ներուժը գործադրվում է միայն ագրեսիայի, հարձակման դեպքում: Այստեղ գործ ունենք, ըստ էության, սահմանային միջադեպի հետ։ Փառք Աստծո, զոհեր չկան, կրակոցներ չկան։ Սա սահմանային միջադեպ է, այն պետք է լուծել, եւ մենք կողմ ենք, որ այն լուծվի խաղաղ ճանապարհով»,-ասել է նա:

Նրա գնահատմամբ՝ հակամարտության սրում չի նկատվում:

«Այժմ ստիպված չենք խոսել այն մասին, որ իրավիճակն ինչ-որ կերպ սրվում է: Չի վատանում, եւ դա արդեն լավ է, արդեն արդյունք է։ Առջեւում շատ աշխատանք կա հենց սահմանի, այդ վիճելի հարցի լուծման ուղղությամբ, բայց դրանք պետք է լուծել բանակցությունների սեղանի շուրջ»,-շեշտել է Զասը:

Նա նաեւ տեղեկացրել է, որ այն բանից հետո, երբ մայիսին Հայաստանը դիմեց ՀԱՊԿ-ին, կազմակերպությունը խորհրդակցություններ է անցկացրել երկրի սահմանամերձ շրջաններում տիրող իրավիճակի վերաբերյալ: «Նման խորհրդակցություններ անցկացվել են պաշտպանության նախարարների, անվտանգության խորհուրդների քարտուղարների մակարդակով, եւ ես շփվել եմ եւ՛ Հայաստանի արտգործնախարարի, եւ՛ պաշտպանության նախարարի հետ։ Քննարկում էինք ստեղծված իրավիճակը։ Բացի այդ, մեզ մոտ արդեն ընդհանուր քննարկում է տեղի ունեցել Դուշանբեում ՀԱՊԿ ԱԳ նախարարների խորհրդի նիստի ընթացքում»,-հստակեցրել է նա:

Զասը վստահեցրել է, որ ՀԱՊԿ-ը մշտապես հետեւում է Հայաստանի հարավում տիրող իրավիճակին: 

«Մոնիթորինգային խմբի ձեւավորման մասին որոշում չի ընդունվել, թեեւ, իհարկե, իրավիճակը դիտարկվում է»,-նշել է նա:     

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բելառուսի ներկայացուցիչն ընտրվել է ՀԱՊԿ Մշտական խորհրդի նախագահ
ՀԱՊԿ մամուլի ծառայության փոխանցմամբ՝ դեկտեմբերի 1-ին տեղի է ունեցել Հավաքական անվտանգության պայմանագրի կազմակերպության Մշտական խորհրդի նիստը․․․
Ես կցանկանայի Ղարաբաղում տեսնել ոչ թե ռուսական, այլ ՀԱՊԿ խաղաղապահներին. Երվանդ Թարվերդյան
ՀԱՊԿ խորհրդի հռչակագիրը չստորագրելը գնահատում եմ որպես իշխանության եւ վարչապետի թիմի խայտառակություն...
Կայացել է ՀԱՊԿ ԽՎ քաղաքական հարցերի եւ միջազգային համագործակցության մշտական հանձնաժողովի արտահերթ առցանց նիստը
Հանձնաժողովի անդամները քննարկել են «Կենսաբանական (մանրէաբանական) եւ տոքսինային զենքի մշակման անթույլատրելիության մասին» ՀԱՊԿ...
Ռուսաստանը եւ Ղազախստանը մտադիր են մեծացնել ՀԱՊԿ պոտենցիալը
Ռուսաստանը եւ Ղազախստանը մտադիր են կատարելագործել ահաբեկչության դեմ պայքարի մեխանիզմները...
Ուժի կիրառման հարցերում ՀԱՊԿ-ին ներքաշել մեր տարածաշրջան, կարող է հետագայում լուրջ բախման պատճառ դառնալ. Սեյրան Օհանյան
Այն, որ Հայաստանի վարչապետը չստորագրեց ՀԱՊԿ Հավաքական անվտանգության...
Այնպես չէ, որ մեզ, որպես ընդդիմություն, ՀԱՊԿ-ում ամեն ինչ դուր է գալիս. Սեյրան Օհանյան
Ռազմաքաղաքական դաշինքները ստեղծվում են ոչ միայն արտաքին, այլ նաեւ ներքին…
Ամենաշատ