News
Լրահոս
News
Երկուշաբթի
Մայիս 23
USD
455.73
EUR
486.58
RUB
7.89
Տեսնել լրահոսը

ՀՀ փոխվարչապետի պաշտոնակատար Տիգրան Ավինյանը շնորհավորական ուղերձ է հղել ԱՄՆ-ի անկախության տոնի առթիվ:

Ուղերձում, մասնավորապես, ասվում է.

«Սիրելի' ամերիկացիներ,

Երկրորդ անընդմեջ տարին է, որ մենք հուլիսի 4-ի տոնակատարությանը միանում ենք հեռավար կարգով: Ցավոք, շարունակվող համաճարակը մեզ զրկեց այս տոնական առիթով դեսպանության մեր ամերիկացի ընկերների և գործընկերների հետ ամուր ձեռքսեղմման հնարավորությունից: Այնուամենայնիվ, քանի որ Միացյալ Նահանգների ժողովուրդը նշում է ազատ և բարեկեցիկ երկրում ապրելու իր հավաքական որոշման 245-ամյակը, մեր ցանկություններն ու շնորհավորանքները ջերմ են, ինչպես երբեք:

Անկախության տարիները Միացյալ Նահանգների համար նշանավորվեցին ինչպես ուշագրավ նվաճումներով, այնպես էլ արտակարգ մարտահրավերներով, ինչն էլ ավելի ամրապնդեց ամերիկյան ժողովրդի վճռականությունը` հետամուտ լինելու ազատության, ժողովրդավարության և օրենքի գերակայության գաղափարներին: Միևնույն ժամանակ, Միացյալ Նահանգների ծանրակշիռ դերն արդի համաշխարհային գործընթացներում վկայում է իր ժողովրդի համառության և հնարամտության մասին:

Դիվանագիտական հարաբերությունների հաստատումից (հունվար 7, 1992 թ) գրեթե 30 տարի անց ԱՄՆ-ն և Հայաստանը բեղմնավոր համագործակցություն են ծավալում` հիմնված ոչ միայն փոխադարձ շահերի, այլև ընդհանուր արժեքների վրա:

ԱՄՆ ֆինանսական և տեխնիկական օժանդակությունը մեզ համար կարևոր դեր է խաղացել ավելի լավ պետական ինստիտուտների կերտման, օրենքի գերակայությունն ամրապնդելու և տնտեսական նոր հնարավորություններ ստեղծելու հարցերում: Իր հերթին, Հայաստանն աջակցություն է ցուցաբերել Միացյալ Նահանգների հակաահաբեկչական և խաղաղապահ նախաձեռնություններին:

Միացյալ Նահանգները միշտ կայուն գործընկեր են եղել Հայաստանի համար ՝ գլոբալ և տարածաշրջանային անվտանգության հարցերում: Որպես ԵԱՀԿ Մինսկի խմբի համանախագահ, այն վճռորոշ դերակատարություն ունի Լեռնային Ղարաբաղի հակամարտության խաղաղ և երկարաժամկետ կարգավորման գործընթացում:

2020-ի աշնանը Ադրբեջանի կողմից Արցախի ժողովրդի դեմ սանձազերծված 44-օրյա պատերազմը լուրջ ազդեցություն ունեցավ բնակչության և տարածաշրջանի անվտանգության վրա և չլուծված թողեց այնպիսի առաջնահերթ խնդիրներ, ինչպիսիք են Արցախի վերջնական կարգավիճակը: Այս առումով, Հայաստանը ողջունում է Միացյալ Նահանգների մտադրությունը՝ աշխուժացնելու իր ջանքերն հակամարտության արդար և համապարփակ լուծման ուղղությամբ:

Օգտվելով առիթից` կցանկանայի շնորհավորել նաև ամերիկահայերին, ովքեր մշտապես չափազանց կարևոր դեր են խաղացել մեր երկրների միջև գործընկերության ձևավորման և պահպանման գործում: Նրանցից շատերն էթնիկ հայերի հետնորդներ են, ովքեր, ականատես լինելով Օսմանյան Թուրքիայի կողմից իրականացված Հայոց ցեղասպանության սարսափներին, ապաստան և երկրորդ տուն են գտել Միացյալ Նահանգներում: Տարիների ընթացքում ամերիկահայ համայնքը ծաղկել է՝ մեծապես նպաստելով ԱՄՆ զարգացմանն ու բարգավաճմանը:

Այս տարվա ապրիլի 24-ին Հայոց ցեղասպանությունը ճանաչող Նախագահ Ջո Բայդենի հայտարարությունը ողջունվեց աշխարհի միլիոնավոր հայերի կողմից, որոնց նախնիները նույն ողբերգական ճակատագրին էին արժանացել: Դրանով ԱՄՆ-ն ևս մեկ անգամ ցույց տվեց իր անսասան հանձնառությունը ՝ պաշտպանելու մարդու հիմնարար իրավունքներն ու համընդհանուր արժեքները:

Քանի որ ԱՄՆ-ն վերականգնում է իր դերը Մարդու իրավունքների խորհրդում, ինչին միանշանակ աջակցում է Հայաստանը, ես ուզում եմ հայտնել մեր պատրաստակամությունը` շարունակելու համագործակցությունը մարդկության դեմ հանցագործությունների կանխարգելման ուղղությամբ:

Ի վերջո, կցանկանայի ողջունել ներկայիս վարչակազմի որոշումը` գլխավորել Covid-19 համաճարակի և կլիմայի փոփոխության դեմ պայքարը: Միացյալ Նահանգների վերադարձը միջազգային այնպիսի կարևոր մեխանիզմներին, ինչպիսիք են Առողջապահության համաշխարհային կազմակերպությունը և Փարիզի համաձայնագիրը, կամրապնդեն գլոբալ ջանքերն այդ աղետների դեմ պայքարում:

Բարգավաճման անկեղծ մաղթանքներով ևս մեկ անգամ ուզում եմ շնորհավորել Ամերիկայի ժողովրդին հուլիսի 4-ի առթիվ: Հուսով եմ, որ անկախության 245-ամյակը բոլորիդ խաղաղություն և ներդաշնակություն կբերի:

Աստված օրհնի Ամերիկան և հայ-ամերիկյան բարեկամությունը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կարևոր եմ համարում այս պահին ընդգծել ԼՂ բնակչության դերակատարությունն իր ապագան որոշելու հարցում. ԱՄՆ դեսպան
Սա պետք է որոշվի Լեռնային Ղարաբաղի ժողովրդի և այլ կողմերի միջև հետագա բանակցությունների ընթացքում...
Գլոբալ առումով, Արարատ Միրզոյանի վաշինգտոնյան այցը ֆիասկո էր. Սուրեն Սարգսյան
Արարատ Միրզոյանն ԱՄՆ Սենատի հանրապետականների ղեկավարին ներկայացրել է Հայաստան-Թուրքիա գործընթացի մանրամասները
Արարատ Միրզոյանը զրուցակցին է ներկայացրել իրավիճակը Լեռնային Ղարաբաղում: Ընդգծվել է Լեռնային Ղարաբաղի հակամարտության խաղաղ…
Ադրբեջանի կողմից լարվածության հրահրումն անթույլատրելի է. Արարատ Միրզոյանը հանդիպել է Բոբ Մենենդեսի հետ
ՀՀ ԱԳ նախարար Արարատ Միրզոյանի հանդիպումը ԱՄՆ Սենատի արտաքին հարաաբերությունների հանձնաժողովի նախագահ Բոբ Մենենդեսի հետ…
Արարատ Միրզոյանը հանդիպել է ՄՀԻ Եվրասիայի տարածաշրջանային տնօրենի հետ
Արարատ Միրզոյանը կարևորել էլ Միջազգային հանրապետական ինստիտուտի...
Վաշինգտոնում ստորագրված փաստաթղթերը կամրապնդեն Հայաստանի էներգետիկ անկախությունն ու ժողովրդավարությունը. ԱԳՆ
Ոչ թե միայն խորհրդակցություններ են տեղի ունեցել, այլ ստորագրվել են կոնկրետ փաստաթղթեր, որոնք հուսով եմ, որ կնպաստեն ինչպես Հայաստանի էներգետիկ…
Ամենաշատ
Ֆոտոռեպորտաժներ