Բալիի իշխանությունները հրաժարվել են բացել սահմանները օտարերկրյա ճանապարհորդների համար, դա կապված է կորոնավիրուսի նոր՝ «դելտա» շտամի տարածման հետ։ Այս մասին ասել է Ինդոնեզիայի ծովային եւ ներդրումների գործերի նախարար Լուհութ Բինսար Փանջաիթանը, տեղեկացնում է ՏԱՍՍ-ը։
Այսպես, Ինդոնեզիայի կառավարությունը նախատեսում էր բացել ամառանոցային կղզին զբոսաշրջիկների համար հուլիսի սկզբին։ «Կղզու բացումը անհնար է, ուստի մենք այլեւս նման պլաններ չենք դիտարկում»,- ասել է Փանջաիթանը։
Պաշտոնյայի խոսքով՝ այսօրվա դրությամբ գլխավոր խնդիրը COVID-19-ի տարածումը զսպելն է եւ պատվաստվածների թվի ավելացումը։ Նա նաեւ բացատրել է, որ դեպքերի թիվը ավելանալու է, եւ ավելացրել է, որ առաջիկա երկու շաբաթում կարեւոր է նորմալացնել իրավիճակը։