Համաձայն «Եվրատեսիլ» երգի միջազգային կանոնների, Բաքվում կայանալիք մրցույթում Ադրբեջանը պարտավոր է ապահովել բոլոր մասնակիցների, այդ թվում հայ մասնակցի անխոչընդոտ մասնակցության համար անհրաժեշտ բոլոր պայմանները:
Ինչպես հաղորդում է Аze.az-ը, Ադրբեջանի ԱԳՆ մամուլի քարտուղար Էլհան Փոլուխովը հայտարարել է. ««Եվրատեսիլ» երգի միջազգային կանոնների համաձայն, Ադրբեջանը պատրաստ է ապահովել Բաքվում կայանալիք մրցույթի բոլոր մասնակիցիների անվտանգ մասնակցությունը»:
Ավելի վաղ նշվել էր, որ հայկական «Ժամանակ» թերթը տեղեկություն էր հրապարակել, ըստ որի, մոտ ժամանակներս Հայաստանի հանրային հեռուստառադիոընկերությունը կհայտարարի, որ Հայաստանը կմասնակցի Բաքվում կայանալիք «Եվրատեսիլ-2012» մրցույթին: Ներկայումս քննարկվում է մրցույթի մասնակցի ընտրության հարցը:
