Նախագահը կաշկանդված չէր արտահերթ ընտրությունների օրը նշանակելու հարցում։ Այդ մասին ՍԴ նիստի ժամանակ հայտարարել է «Քաղաքացիական պայմանագիր» կուսակցության ներկայացուցիչը։ Հիշեցնենք՝ չորս քաղաքական ուժեր բողոքարկում են արտահերթ ընտրությունների արդյունքների մասին ԿԸՀ որոշումը։
«ՔՊ» ներկայացուցիչը հիշեցրել է, որ երկրում ծագած քաղաքական ճգնաժամիաց հետո իշխանություններն առաջարկել են անցկացնել արտահերթ ընտրություններ, որը հերքվել էր ընդդիմության կողմից։ Այնուամենայնիվ տեղի էին ունեցել քաղաքական խորհրդակցություններ, որոնց արդյունքում որոշվել էր ընտրությունների անցկացումը։ «Խորհրդակցությունների արդյունքում ուժերի մեծ մասը համաձայնության էր եկել ընտրությունների անցկացման հարցում։ Քննարկումներն աանցկացվել են նախագահի մասնակցությամբ։ Նախագահը, որը ընտրությունների օրը որոշելու միակ սուբյեկտն է, կաշկանդված չի եղել ընտրության հարցում եւ կարող էր ուրիշ օր ընտրել»,-հայտնել է «ՔՊ» ներկայացուցիչը։ Միաժամանակ նա համարել է, որ վարչապետի ժամանակավոր պաշտոնակատարի դեպքում Նիկոլ Փաշինյանի անիրավաչափության մասին վարկածները անհիմն են։
«ՔՊ» ներկայացուցիչը հիշեցրել է երկրի վերջին շրջանի պատմությունն ու վարչապետի պաշտոնից Սերժ Սարգսյանի հրաժարականը։
