Սահմանադրական դատարանում ՔՊ-ի ներկայացուցիչ, արդարադատության նախարարի պաշտոնակատար Ռուստամ Բադասյանը իր եզրափակիչ խոսքում նախքան հեղափոխությունը երկրում տիրող իրավիճակը համեմատեց Կուստուրիցայի «Անդերգրաունդ»-ի հետ:
Բադասյանը սկսեց նրանից, որ մեկնաբանեց ուսանողներին տված՝ գործընթացին հետեւելու խորհուրդը: Բայց հետեւել՝ իմանալու համար, թե ինչ չի կարելի անել Սահմանադրական դատարանում, շեշտեց Բադասյանը: Իսկ չպետք է, ըստ նրա, անել՝ ներկայացնել փաստեր, որոնք հեշտ է հերքել, ապօրինի տվյալները որպես օրինական ներկայացնել, վիրավորական արտահայտություններ անել մեկ այլ սահմանադրական մարմնի հասցեին:
Բադասյանն իր ընդդիմախոսների փաստարկները բաժանեց երկու խմբի. առաջինում՝ Սահմանադրական դատարանի լիազորություններից դուրս գտնվողները, երկրորդում՝ լիազորությունների շրջանակներում գտնվող փաստարկները, բայց բոլորը հերքվեցին դեռ պատասխանողների եւ հարակից պատասխանողների ելույթների ժամանակ: «Լսելով պատասխանողներին եւ հարակից պատասխանողներին՝ տպավորություն ստացա, որ գործընթացն ավարտված է: Մեզ շատ են ասել գործընթացի բացառիկության մասին: Միակ բացառիկությունը, որ ես կարողացա նկատել, բառերի եւ էջերի քանակն էր, բայց՝ ոչ բովանդակային առումով », - ասաց Բադասյանը:
Նա արձանագրեց, որ «Հայաստան» դաշինքի ներկայացուցիչն այդպես էլ չհայտնեց վստահված անձանց թիվը՝ չնայած այդ թիվը գաղտնիք չէ: «5460-ը վստահված անձանց ամենամեծ թիվն է: «ՔՊ»-ից հազարով ավել:
Ըստ նրա՝ ընդդիմախոսները համառորեն բերում են մի փաստարկ, երբ մյուսները սպառված են, այն մասին՝ արդյո՞ք այլ պետության քաղաքացիություն ստանալուց հետո վարչապետը կարող է մնալ իր պաշտոնին: Այդ պարագայում Կառավարության կառուցվածքի մասին օրենքը համապատասխան ընթացակարգ է նախատեսում, ասաց Բադասյանը՝ տարակուսանք հայտնելով, թե ինչու է Դավիթ Հարությունյանը խոսում այդ մասին, ով ինքն էր ներկայացնում օրենքը նախարար եղած ժամանակ: Այս համատեքստում Բադասյանը հնարավոր համարեց բերել Շվեդիայի օրինակը, որտեղ վարչապետը անվստահություն հայտնելուց հետո շարունակում է «հոգ տանել» երկրի մասին: Ըստ Բադասյանի՝ հարցը նրա կարեւորության մասին է, որ հանրապետությունը չի կարող մնալ առանց առաջնորդի (ըստ Սահմանադրության՝ պետության ղեկավարը նախագահն է):
«Մեզ փորձում էին զուգահեռ իրականություն ներկայացնել, որում ընտրությունների արդյունքների վրա ազդել են խոսքի ազատության շրջանակներում արտասանված բառերը: Ընդ որում, Հայաստանի Հանրապետությունում տեղի են ունեցել ողբերգական իրադարձություններ, եւ մարդիկ մինչեւ հիմա կրում են դրանց հետքերը»,- ասաց Բադասյանը: Ընդ որում, նա հիշեցրեց, որ իշխանությունների եւ ընդդիմության իրավունքները որոշվում են Սահմանադրությամբ՝ ինչպես պարզ մեծամասնության, այնպես էլ երեք կամ երկու հինգերորդի դեպքում, իսկ ընդդիմությունը, եթե այլ սցենար է ուզում, պետք է դիմի ժողովրդին եւ վստահության մանդատ ստանա նրանցից:
«Ասվել է, որ մի ուժը չի կարող կառավարել: Բայց այդ ուժը ժողովուրդն է: Նա կատարել է իր ընտրությունը: ՀՀ-ի ապագան ժողովրդավարականն է»,- ասաց Բադասյանը:
Ի պատասխան Դավիթ Հարությունյանի՝ «Ինչպե՞ս դառնալ հաղորդավար» սերիալը դիտելու առաջարկին՝ երկրում տեղի ունեցողի մաիսն պատկերացում կազմելու համար, Բադասյանը հայտարարեց, որ ինքը նախընտրում է կլասիակն՝ Կուստուրիցայի «Անդերգրաունդ» ֆիլմի տեսքով, որտեղ ժողովրդին թաքցրել էին բունկերում, կողոպտում, նվաստացնում էին, իսկ բունկերի վերեւում խոսում էին բարձր արժեքների եւ հայրենիքի նկատմամբ սիրո մասին: