Pininfarina ընկերությունը, որն ավտոմոբիլային դիզանյի ոլորտում համաշխարհային առաջնորդներից մեկն է, ներկայացրել է TEOREMA կոնցեպտ-քարը, որն արտացոլում է սկզբունքորեն նոր մոտեցում շրջակա աշխարհի հետ եւ միմյանց միջեւ ուղեւորների փոխազդեցության հետ ուղեւորության ընթացքում, հաղորդում է Higtech-ը:
Դիզայներները սկսել են ստեղծել ինտերյեր, այնուհետեւ զբաղվել են կոնցեպտ-քարի արտաքին տեսքով: Ինժեներները նաեւ օգտագործել են WayRay ընկերության հոլոգրաֆիկ AR-դիսփլեյը: Դրա առանձնահատկությունը նրանում է, որ այն ստեղծում է վիրտուալ պատկեր եւ բառացիորեն ինտեգրում է ինտերֆեյսի տարրերն իրական կյանքում TEOREMA-ի պատուհանից այն կողմ:
Ծրագրավորողները նախատեսել են TEOREMA-ի համար լիարժեք ինքնիշխանություն, սակայն ցանկության դեպքում կարելի է միացնել վարման ռեժիմ: Այդ դեպքում հոլոգրաֆիկ AR-դիսփլեյն օգնում է վարորդին նավիգացիայի հարցում: Այն նաեւ ցույց է տալիս օգտակար տեղեկատվություն եւ նախազգուշացնում է օգտատերին ճանապարհին պոտենցիալ վտանգների մասին:
Մնացած ուղեւորները կստանան տեղեկատվական-զվարճային AR-կոնտենտի հասանելիություն՝ տեղեկատվություն շրջակա օբյեկտների, լանդշաֆտի եւ տեսարժան վայրերի մասին, լրացուցիչ տեղեկատվություն երթուղու մասին: Շնորհիվ այն բանի, որ WayRay-ը մշակում է սեփական AR-մարկետփլեյսը, ապագայում ուղեւորների համար հասանելի կդառնան ամենատարբեր ժամանցային հավելվածները, այդ թվում՝ կողմնակի ծրագրավորողներից՝ ներառյալ տարբեր խաղերը: