Նախկին նախագահ Ջորջ Բուշը քննադատել է Աֆղանստանից ԱՄՆ-ի եւ ՆԱՏՕ-ի զորքերի դուրս բերումը՝ նախազգուշացնելով, որ հետեւանքներն «անհավանական ծանր» կլինեն:
Գերմանական Deutsche Welle հեռուստաընկերությանը տված հարցազրույցում Բուշը հայտարարել է, որ աֆղանցի կանանց եւ աղջիկներին «աննկարագրելի վնաս կհասցվի»: «Դա սխալ է,-ասել է Բուշը:-Նրանց պարզապես լքում են, որպեսզի սպանեն այդ շատ դաժան մարդիկ»:
Մայիսին Fox News-ին տված հարցազրույցում Բուշն ասել է, որ չի համարում, որ Աֆղանստանից ամերիկյան զորքերի դուրս բերումն անհրաժեշտություն է, եւ որ «խորապես մտահոգված է», որ առանց ԱՄՆ-ի զորքերի ներկայության Աֆղանստանում «վակուում» կառաջանա: