Հուլիսի 19-ից Մեծ Բրիտանիայի իշխանությունները վերացրել են կորոնավիրուսի գրեթե բոլոր սահմանափակումները՝ երկրի բնակիչներին թույլ տալով չկրել բժշկական դիմակներ եւ հավաքվել մեծ խմբերով, իսկ համաճարակաբանական բարձր ռիսկայնությամբ ձեռնարկություններին թույլատրել են բացվել: Երկրում վարակվածությունը շարունակում է բարձր տոկոս կազմել, գրում է Lenta- ն՝ հղում անելով Reuters- ին:
Վարչապետ Բորիս Ջոնսոնը դիմել է բնակչությանը՝ խնդրելով զգուշություն ցուցաբերել եւ արժանապատվորեն վերաբերվել սահմանափակումների վերացմանը, եւ հորդորել է նման կերպ վարվել հատկապես բոլոր նրանց, ովքեր դեռ չեն ստացել պատվաստանյութի երկրորդ դեղաչափը: Այս պահին երկրի բնակիչության ավելի քան 87 տոկոսն արդեն ստացել է մեկ դեղաչափ, իսկ ավելի քան 67 տոկոսը ստացել է երկու բաղադրիչները: Իշխանությունները կարծում են, որ դրա շնորհիվ վարակվածության բարձր ցուցանիշն այլեւս չի հանգեցնի մահացության բարձր ցուցանիշի:
Հաղորդվում է նաեւ, որ բոլոր վարակվածներին, որոնց թիվը հասնում է հարյուր հազարավորների, խնդրում են ինքնամեկուսանալ: Իշխանությունները փորձարկում են մի սխեմա, որի համաձայն պատվաստված, բայց վարակված քաղաքացիներին թույլատրվում է գնալ աշխատանքի: Վերջերս կորոնավիրուսից ապաքինված Ջոնսոնը եւ առողջապահության նախարար Սաջիդ Ջավիդը ցանկացել են մասնակցել դրան, սակայն հրաժարվել են այդ գաղափարից՝ հասարակության վրդովմունքի պատճառով:
