Մոլորակի ամենահարուստ մարդը՝ Ջեֆ Բեզոսը, Blue Origin-ի առաջին մարդատար առաքելության ընթացքում մի քանի րոպե տիեզերքում է անցկացրել, հայտնում է AFP-ն:
«Այս պարկուճում գտնվում է մարդկանց շատ ուրախ խումբ»,- ասել է Բեզոսը այն բանից հետո, երբ տիեզերանավը վայրէջք է կատարել Տեխասի արեւմուտքում գտնվող անապատում՝ Կարմանի գծից 10 րոպե տեւողությամբ թռիչքից հետո:
Չորս հոգանոց անձնակազմը ողջույններ եւ գրկախառնություններ է փոխանակել վայրէջքի վայրում նրանց դիմավորելու եկած ընտանիքի անդամների հետ:
New Shepard տիեզերանավը հասել է 107 կիլոմետր բարձրության, ինչը թույլ է տվել ուղեւորներին անկշռելիություն զգալ՝ հիանալով Երկրի կորով:
«Այստեղ մութ է»,- ասել է կին օդաչու Ուոլլի Ֆանքը, որը միացել է Բեզոսին, նրա եղբորը եւ 18-ամյա հոլանդացի Օլիվեր Դեմենին, ով դարձել է պատմության մեջ ամենաերիտասարդ տիեզերագնացը:
