Թեհրանում տեղի ունեցավ մի կողմից Եվրասիական տնտեսական միության ու դրա անդամ պետությունների եւ Իրանի Իսլամական Հանրապետության պատվիրակությունների հանդիպումը ազատ առեւտրի համաձայնագրի կնքման շուրջ, որը փոխարինելու է 2019 թվականի հոկտեմբերից գործող Ժամանակավոր համաձայնագրին:
Միջոցառման ընթացքում մասնակիցները քննարկել են առաջիկա բանակցությունների տեխնիկական առաջադրանքի նախագիծը, ինչպես նաեւ մտքեր են փոխանակել փաստաթղթի հնարավոր բովանդակության վերաբերյալ:
«Հանդիպման արդյունքում ձեռք են բերվել գործող Ժամանակավոր համաձայնագրի համեմատ փոխգործակցության նոր խնդիրների քննարկման մասին պայմանավորվածություններ՝ ընդլայնել արտադրանքի ընդգրկումը, աջակցել ոլորտային համագործակցությանը եւ ավելացնել պետական գնումների թափանցիկությունը, եւ հաշվի առնելով բանակցությունների վերաբերյալ երկու կողմերի մոտեցումների նմանությունը՝ կարճ ժամանակահատվածում կարող է զգալի աշխատանք կատարվել», - նշել է ԵՏՀ առեւտրի հարցերով նախարար Անդրեյ Սլեպնեւը:
Համաձայնագրի կնքման համար բանակցությունների առաջին փուլը նախատեսված է այս տարվա սեպտեմբերին:
