Կոլումբիան ձերբակալել է 10 մարդու, որոնք մեղադրվում են անցած ամիս նախագահ Իվան Դուկայի ուղղաթիռի եւ ռազմաբազայի վրա հարձակումներին մասնակցելու մեջ, որոնք, պաշտոնական անձանց հաղորդմամբ, ծրագրվել են Վենեսուելայում տեղակայված FARC ապստամբների նախկին առաջնորդների կողմից։
Հյուսիս-արեւելյան Կուկուտա քաղաքի բազայում, որտեղ տեղակայված է 30-րդ բանակային ջոկատը, ավտոմեքենայի պայթյունի հետեւանքով վիրավորվել է 44 մարդ, այդ թվում՝ ԱՄՆ երկու ռազմական խորհրդական։ Ավելի ուշ հունիսին Դուկային եւ պաշտոնական անձանց տեղափոխող ուղղաթիռը ենթարկվել է հրթիռակոծման, հաղորդում է Reuters-ը։
Ինչպես հայտարարել է գլխավոր դատախազ Ֆրանսիսկո Բարբոսան, 10 մարդ, որոնք բերման են ենթարկվել Նորտե դե Սանտանդեր գավառում, FARC-ի նախկին ապստամբներ են, որոնք հերքում են 2016 թվականի խաղաղ համաձայնագիրը։
Բարբոսայի խոսքով՝ նրանցից երեքը մասնակցել է երկու հարձակումները կազմակերպելու եւ իրականացնելու գործում ու բերման ենթարկվել, որոնց նաեւ մեղադրանք է առաջադրվել, եւս մեկը՝ բանակի պաշտոնափող կապիտան է։
Հարձակումներն անցկացնելու մասին հրամաններն արձակվել են Վենեսուելայում գործող FARC-ի նախկին ղեկավարների կողմից, հայտարարել է պաշտպանության նախարար Դիեգո Մոլանոն։ Նրա խոսքով՝ այդ միջադեպերը ցուցադրել են, որ Վենեսուելայի նախագահ Նիկոլաս Մադուրոյի կառավարությունն ընդունել է FARC-ի ահաբեկիչներին։ «Պարզ է, որ նախագահի վրա, 30-րդ ջոկատի դեմ այդ հարձակումը պլանավորված է Վենեսուելայից»,-ասել է Մոլանոն։
