News
Լրահոս
News
Երեքշաբթի
Սեպտեմբեր 21
Տեսնել լրահոսը


Վերջին շրջանում հեղուկ գազը Հայաստանում կտրուկ աճել է, 180-190 դրամից դառնալով 250-260 դրամ: Տնտեսագետ Սուրեն պարսյանը այս թանկացումը բացատրում է երկու գործոնով՝ պահանջարկ եւ մենաշնորհներ. «Մոտ 20 տարի է, ինչ վառելիքի շուկայում խաղի կանոնները թելադրում են երեք ներկրողներ՝ «Ֆլեշ»,CPS եւ «Մաքսօյլ»: Նրանք տարիներ շարունակ շուկան բաժանել են միմյանց միջեւ եւ ժամանակ առ ժամանակ իրականացնում են միասնական գնային քաղաքականություն. Միասին գները բարձրացնում եւ իջեցնում են: Այդ շուկան բենզին ու վառելիք ներկրողների ազդեցության տակ է գտնվում հիմա»,-ասաց նա:

Եթե ամիսներ առաջ գազի թանկացումը բացատրվում էր դրամի արժեզրկմամբ, այժմ դրամն արժեւորվում է, բայց գազը չի էժանանում. Ներկրողներն ասում են, որ ներկրված խմբաքանակը պետք է վաճառեն նույն գնով:

«Հիմա այս գնագոյացման պայմաններում մենք միշտ էլ շուկայականից բարձր գներ ենք ունենալու մեր շուկայում: Նրանք շահագրգռված չեն, որ գները լինեն մրցակցային, իրենք շուկան իրենց մեջ բաժանել են, նոր ներկրողներ չկան: Իսկ եթե մեկը փորձի ներկրել, նա չի կարող  վաճառել, քանի որ մանրածախ ցանցն էլ է իրենց ձեռքում գտնվում: Իսկ սեփական մանրածախ ցանցը ստեղծելու համար բավականին ժամանակ է պետք, եւ մեծ ներդրումներ են հարկավոր»,-նկատեց տնտեսագետը:

Այս պայմաններում նա կարեւորեց մրցակցության հանձնաժողովի եւ կառավարության դերը. «Հանձնաժողովը պետք է ուսումնասիրի շուկան, գտնի շուկայի վրա ազդող գործոնները եւ պարզի, թե որքան առողջ է մրցակցությունը: Կառավարությունն էլ պետք է  օրենքների փոփոխությամբ վերացնի մենաշնորհները, տարանջատի մեծածախ եւ մանրածախ առեւտուրը, ինչը չի արվում: Արդյունքում ուննում ենք մենաշնորհներ, շուկայում գերիշխող դիրք ունեցող կազմակերպություններ, որոնք տարիներ շարունակ մեծացնում են իրենց ազդեցությունը՝ իրենց  տնտեական ռեսուրսներով, այլ գործիքներով: Այստեղ իրենց ներկրելու մասով արտոնություն չեն տալիս, իրենք այնքան տնտեսականբ հզորություն ունեն, որ բոլոր փոքր ու միջին բիզնեսներին շուկայից դուրս են թողնում»:

Տնտեսականմրցակցության հանձնաժողովից NEWS.am-ին ասացին, որ գների վերահսկողություն իրականացվում է, երբ շուկայում առկա են գերիշխող սուբյեկտներ, կամ հակամրցակցային համաձայնություն, իսկ այդպիսիք, բնորոշ չեն մեր շուկային:

Նշենք, որ հեղուկ գազը Հայաստան ներկրվում է ՌԴ-ից եւ Իրանից: Ենթադրվում էր, որ դրամի արժեւորման եւ ռիալի արժեզրկման ֆոնին, իրանական գազը պետք է էժանանանր, սակայն դա տեղի չի ունենում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հենց այս պահին սահմանին գազի գնի շուրջ բանակցություններ են ընթանում. Հարցն արդիական է. Մհեր Գրիգորյան
Ես կոնկրետ պատասխաններ չեմ տա, որովհետեւ հենց այս պահին...
Լիբանանի վարչապետ. Իրանական վառելիքի մատակարարումները խախտում են երկրի ինքնիշխանությունը
«Հեզբոլլահի» կողմից իրանական վառելիքի ներկրումը խախտում է երկրի ինքնիշխանությունը...
Փոխվարչապետ. Հայաստանը դիտարկում է այլ երկրներից գազ ներմուծելու հնարավորությունը, սակայն...
Հիշեցնենք, որ Հայաստանը Ռուսաստանից գազը է գնում 1000 խմ-ի դիմաց 165 դոլարով: Բացի այդ, «Գազ՝ էլեկտրաէներգիայի դիմաց» ծրագիրը գործում է Հայաստանի եւ Իրանի միջեւ:
Փոխվարչապետ. Հույս ունեմ՝ կհաջողվի պահել գազի գինը
Գազի գնի վերաբերյալ բանակցություններում որոշակի բարդություններ են առաջանում...
Պաշտոնյա․ Հայաստանում չկա մի ընկերություն, որը գերիշխող դիրք է զբաղեցնում հեղուկ գազի շուկայում
Նրա խոսքով՝ 51 ընկերություն հեղուկ գազ է արտահանում Հայաստան․․․
Նավթն էժանանում է
Brent տեսակի նավթի նոյեմբերյան ֆյուչերսների գինը նվազել է 0,22%-ով՝ կազմելով մեկ բարելի դիմաց մինչեւ 75,5 դոլար․․․