Գեղարքունիքի մարզում, այսօր, հուլիսի 26-ին, ողբերգական ավտովթար է տեղի ունեցել. ժամը 00։30-ի սահմաններում Ծովագյուղ գյուղի բնակիչ 34-ամյա Վիգեն Ռաֆայելյանը իր վարած ВАЗ 2107 մակնիշի ավտոմեքենայով Ծովագյուղ-Շորժա-Վարդենիս ավտաճանապարհի 3․5 կմ հատվածում, դեպի Սևան ընթանալիս, դուրս է եկել ճանապարհի երթևեկելի գոտուց և բախվել բարձրավոլտ էլեկտրահոսանքի աշտարակի հենասյան բետոնին։
Shamshyan.com-ի հաղորդմամբ, վթարի հետևանքով վարորդ Վ․ Ռաֆայելյանն ու նրա ուղևոր 15-ամյա Սերգեյ Ռաֆայելյանը մարմնական վնասվածքներով տեղափոխվել են «Սևան» բժշկական կենտրոն։
Կայքի տեղեկություններով՝ այսօր առավոտյան հիվանդանոցից ահազանգ է ստացվել ոստիկանության Սևանի բաժին, որ Ս․ Ռաֆայելյանը գիտակցության չգալով մահացել է։ Փաստի առթիվ ՃՈ հետաքննիչ Հ․ Մարգարյանի որոշմամբ՝ հարուցվել է քրեական գործ ՀՀ ՔրՕրի 242 հոդվածի 2-րդ մասի հատկանիշներով, և այն փոխանցվելու է Հայաստանի քննչական կոմիտեի Գեղարքունիքի մարզային քննչական վարչություն։