«Պեկինի պահանջները Հարավչինական ծովում «հիմք չունեն միջազգային իրավունքում»,- ասել է Պենտագոնի ղեկավար Լլոյդ Օսթինը Սինգապուր կատարած այցի ժամանակ, հայտնում է AFP-ն:
Օսթինը քննադատել է Չինաստանի գործողությունները ՀՉԾ-ում: «Հարավչինական ծովի մեծ մասի նկատմամբ Պեկինի պահանջները հիմնված չեն միջազգային իրավունքի վրա»,- ասել է նա: «Դրանք ոտնահարում են տարածաշրջանի պետությունների ինքնիշխանությունը»,- ասել է նա ՝ հավելելով, որ Միացյալ Նահանգները կաջակցեն երկրներին իրենց իրավունքների պաշտպանության հարցում:
Նրա խոսքով` ԱՄՆ-ը «չի վարանի, երբ մեր շահերը վտանգված լինել»: Ընդ որում, Օսթինը պնդել է, որ Վաշինգտոնը «չի ձգտում առճակատման» Չինաստանի հետ: «Ես վճռական եմ պահպանել կառուցողական, կայուն հարաբերություններ Չինաստանի հետ, այդ թվում` ավելի սերտ ճգնաժամային կապեր Ժողովրդական ազատագրական բանակի հետ»:
Սինգապուրից հետո Օսթինը կայցելի Վիետնամ եւ Ֆիլիպիններ եւ կշեշտի, որ ԱՄՆ-ն «կայունացնող ուժ» է Հարավարեւելյան Ասիայում, ասել է պաշտպանության բարձրաստիճան պաշտոնյան:
Հարավարեւելյան Ասիան Միացյալ Նահանգների և Չինաստանի միջեւ ազդեցության հիմնական մարտադաշտն է դարձել: