Թուրքիայի նախագահ Ռեջեփ Թայիփ Էրդողանը հաջորդ տարի հավանաբար կվերսկսի հարեւան երկրներին վախեցնելու իր քաղաքականությունը, քանի որ պատրաստվում է 2023 թվականի ընտրություններին: Այս մասին հայտարարել է «Բեգին Սադաթ» (BESA) ռազմավարական հետազոտությունների կենտրոնի վերլուծաբան եւ մեկնաբան Բուրաք Բեքդիլը, հաղորդում է Ahval-ը:
Արեւմուտքի կողմից նոր պատժամիջոցների սպառնալիքը, Թուրքիայի տնտեսության հետ կապված խնդիրները եւ տուրիստական սեզոնի սկիզբը դրդեցին Էրդողանին զինադադարի կնքել իր հարեւաններ Հունաստանի եւ Կիպրոսի հետ Էգեյան եւ Միջերկրական ծովերում տարածքային իրավունքների վերաբերյալ: Նրա խոսքով` հենց Արեւմուտքի պատժամիջոցներն են որոշելու, թե «որքանով Էրդողանը ազատ կարձակի իր ներքին իսլամիստ խաչակրին 2022-2023 թվականներին»:
«Էրդողանն ասել է, որ 2022 թվականին կարագացնի իր նախընտրական արշավը: Նա բավականին կանխատեսելի է, եւ մենք կարող ենք ակնկալել, որ նա կվերադառնա իր ագրեսիվ «ես»-ին տարածաշրջանային քաղաքականության առումով` պահպանողականների եւ ազգայնականների ձայները համախմբելու համար»,- ասել է Բեքդիլը:
«Հունաստանը կարող է լինել միայն մեկն այն մի քանի երկրից, որոնք ստիպված կլինեն գործ ունենալ սովորական հակաարեւմտյան, օսմանամետ եւ ռեւիզիոնիստ Էրդողանի հետ, քանի որ հաջորդ տարի քարոզարշավը կակտիվանա»:
Էրդողանը 2023 թվականի նախագահական քարոզարշավը նյարդայնորեն «գոյաբանական ընտրություն» անվանեց Թուրքիայի համար այն բանից հետո, երբ գնաճն ու տոկոսադրույքները հասան գրեթե 20 տոկոսի, գործազրկությունը ուժգին հարված հասցրեց թուրքերին եւ հարյուր հազարավոր փոքր բիզնեսներ փակվեցին համավարակի պատճառով, ասել է Բեքդիլը:
«Նա մտավախություն ուներ եւ դեռ ունի, որ ԵՄ-ի եւ ԱՄՆ-ի ներկայիս մեղմ պատժամիջոցների խստացումը կարող է վատթարացնել Թուրքիայի տնտեսության վիճակը եւ, ի վերջո, արժենալ իր աթոռին»,- ասել է վերլուծաբանը: Ըստ նրա` հենց առաջիկա արեւմտյան պատժամիջոցներն են որոշելու, թե հաջորդ տարի ինչ ուղի կբռնի Էրդողանը:
