News
Լրահոս
News
Ուրբաթ
Սեպտեմբեր 24
Տեսնել լրահոսը

Գերմանիայի ՆԳ նախարարությունը հայտարարել է, որ կշարունակի հետաքննել թուրք լրագրողների «մահապատիժների ցուցակը», որոնք քննադատել են Թուրքիայի նախագահ Ռեջեփ Թայիփ Էրդողանին ու նրա կառավարությանը:

«Հետաքննությունը կխորացվի»,- ասել է Գերմանիայի ՆԳ փոխնախարար Հելմուտ Թայխմանը՝ պատասխանելով Բունդեսթագում պատգամավորի հարցերին, հաղորդում է Deutsche Welle Turkish-ը:

Վերջին ամիսներին Գերմանիայում եւ եվրոպական այլ երկրներում հաճախակիացել են անհայտ անձանց կողմից հարձակումներն անկախ թուրք լրագրողների վրա: Վերջերս թուրք այլախոհ լրագրող Էրք Աքարերը հարձակման էր ենթարկվել Բեռլինում գտնվող իր տան դիմաց եւ հոսպիտալացվել էր հուլիսի 7-ին:

Աքարերը «Թվիթերում» գրել է, որ ինքը ճանաչում է հարձակվողներին, եւ նրանք հրամայել են իրեն դադարեցնել լրագրողական գործունեությունը:

Գերմանական ոստիկանությունը նախազգուշացրել է նաեւ Arti Tv-ի եւ Arti Gercek անկախ լրատվամիջոցի գլխավոր խմբագիր Ջելալ Բազլանգիչին, որ նրան սպառնում են մահվան սպառնալիքներով: Բազլանգիչը հայտնել է, որ իրեն այցելել է երկու ոստիկան եւ հաստատել Թուրքիայի առաջնորդ Էրդողանին քննադատող լրագրողների «սպանությունների ցուցակի» առկայությունը:

Գերմանիայի ժուռնալիստների ֆեդերացիան` DJV-ն, նույնպես հաղորդել է, որ, ըստ իր աղբյուրների գերմանական ոստիկանությունում, կա 55 լրագրողի ուղղված մահապատիժների ցուցակ:

«Գերմանիայում բնակվող Թուրքիայից վտարված լրագրողների դեմ սպառնալիքների եւ հարձակումների շարք գոյություն ունի»,- ասել է DJV-ի նախագահ Ֆրենկ Ուբերալը:

2016 թվականին հեղաշրջման ձախողված փորձից հետո, երբ Էրդողանը ուժեղացրեց իր հակառակորդների դեմ ճնշումը, Գերմանիան քննադատաբար տրամադրված մի շարք թուրք լրագրողների տունն է դարձել:

Թուրքական մի քանի լրատվամիջոց եւս տեղափոխվել է Գերմանիա` իրենց գործունեությունը շարունակելու եւ ճնշումներից խուսափելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Մտեք ձեր սահմանը, ձեր տեղը». Լրագրողներին թույլ չտվեցին լուսաբանել վարչապետի այցը «Եռաբլուր» (ֆոտո)
Ոստիկանները որեւէ պատասխան չտվեցին, թե ինչու թույլ չեն տալիս լրագրողներին առաջանալ...
ՄԻՊ-ը պետական սահմանին լրագրողների տեսալուսանկարահանման արգելքը վիճարկելու հարցով դիմել է ՍԴ
Դիմումով Պաշտպանը միջնորդել է կասեցնել վիճարկվող սահմանափակումների գործողությունը մինչև Սահմանադրական դատարանում գործի դատաքննության...
«Ռադիո Ավրորան» տեղեկացնում է, որ դադարեցնում է սփռումն Արցախում
Իրավական անորոշությունների և ադրբեջանցիների կողմից հաճախականության պարբերաբար խլացման պատճառով…
Ավստրալիայում դատարանը վճռել է, որ ԶԼՄ-ները պատասխանատու են սոցցանցերում իրենց ընթերցողների մեկնաբանությունների համար
Դատարանի վճռի մեջ ասվում է, որ սոցցանցերում էջեր բացելով՝ մեդիաընկերությունները մասնակցում են տեղեկությունների տարածմանը, այդ թվում երրորդ․․․
ԶԼՄ-ներ. Քաբուլում «Թալիբան» շարժումն արգելում է լրագրողներին նկարահանել բողոքի ցույցերը
«ԶԼՄ-ների տեսախցիկներն առգրավվում են, լրագրողներին խնդրում են չնկարահանել, իսկ որոշներին հեռացնում են...
Լրագրողների նկատմամբ այդ խայտառակ, անհամաչափ սահմանափակումները չաշխատեցին. Ռուբեն Մելիքյան
Նույնիսկ եթե իշխանությունը վատն է, բայց եթե որոշում կայացրեց, գիտես, որ այստեղ կա կայունություն, կարող ես կանխատեսել քո ապագան, այս իշխանության…
Ամենաշատ