News
Լրահոս
News
Ուրբաթ
Սեպտեմբեր 24
Տեսնել լրահոսը

ԱԺ-ում լրագրողների համար հատուկ աշխատանքային գոտու ձեւավորումը եւ դրանից դուրս որոշակի սահմանափակումների կիրառումը անհրաժեշտություն է եւ հուսով եմ ԱԺ աշխատակազմը կգնա այդ ճանապարհով։ Այս մասին ֆեյսբուքյան իր էջում գրել է «Իմ քայլը» խմբակցության պատգամավոր Վահագն Ալեքսանյանը։

Նա, մասնավորապես, նշել է.

«Չեմ հասկանում, թե ինչով է պայմանավորված ընդդիմադիր պատգամավոր Թագուհի Թովմասյանի զարմանքը։

Տիկին Թովմասյանը չի՞ տեսել այն բազմաթիվ կադրերը, երբ որոշ լրագրողներ ուղղակի թքած ունենալով էթիկայի բոլոր նորմերի վրա հետապնդում են պատգամավորներին, առանց թակելու բացում պատգամավորների դռները, պատգամավորների խնդրանքից հետո հրաժարվում փակել դրանք, խանգարում պատգամավորների աշխատանքին, ամբողջ շենքում խաթարում աշխատանքային մթնոլորտը, միայն թե կարողանան մի սենսացիոն հարց հնչեցնել ու անգամ չսպասել դրա պատասխանին։

Կարծում եմ՝ եթե կայացվի նման որոշում, ապա դրանից կշահեն նաեւ պարկեշտ լրագրողները, որոնք մեծամասնություն են կազմում, սակայն ցավոք լուռ են իրենց գործընկերների կողմից էթիկայի նորմերի ամենակոպիտ խախտումների հարցերով, իսկ նման որոշումից հետո, երբ կարգազանց լրագրողները այլեւս զրկված կլինեն նման անթույլատրելի պահելաձեւ դրսեւորելու հնարավորությունից, ավտոմատ կերպով կզրկվեն նաեւ լրագրողական համայնքի անունը արատավորելու հնարավորությունից, քանի որ իրենց այդօրինակ պահելաձեւով նախեւառաջ թիրախավորում ու խոցելի էին դարձնում հենց իրենց գործընկեր լրագրողներին»։

Նշենք, որ ԱԺ պատգամավոր Թագուհի Թովմասյանը ավելի վաղ տեղեկացրել էր, որ  դիմել է ԱԺ աշխատակազմի ղեկավար-գլխավոր քարտուղարին՝ խնդրելով տեղեկատվություն տալ ստորեւ նշված հարցերի վերաբերյալ․

1. Արդյո՞ք խորհրդարանում լրագրողների տեղաշարժը սահմանափակելու որոշում կայացվել է, եւ ի՞նչ հիմնավորմամբ։

2. Ինչու՞ են լրագրողները գտնվելու հատուկ սենյակում, եւ ինչու՞ է սահմանափակվելու նրանց տեղաշարժը Ազգային ժողովում։

3. Ինչու՞ է սահմանափակվում լրագրող-պատգամավոր կապը։ Այդ կապն ավանդաբար եղել է ազատ, լրագրողները խորհրդարանում ունեցել են ազատ տեղաշարժի իրավունք, իսկ հիմա այդ կարեւորագույն կապը խաթարվում է, եւ լրագրողների տեղաշարժը՝ սահմանափակվում։

4. Լրագրողների նկատմամբ այս տարբերակված մոտեցումը քաղաքական ի՞նչ նպատակ է հետապնդում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Մտեք ձեր սահմանը, ձեր տեղը». Լրագրողներին թույլ չտվեցին լուսաբանել վարչապետի այցը «Եռաբլուր» (ֆոտո)
Ոստիկանները որեւէ պատասխան չտվեցին, թե ինչու թույլ չեն տալիս լրագրողներին առաջանալ...
ՄԻՊ-ը պետական սահմանին լրագրողների տեսալուսանկարահանման արգելքը վիճարկելու հարցով դիմել է ՍԴ
Դիմումով Պաշտպանը միջնորդել է կասեցնել վիճարկվող սահմանափակումների գործողությունը մինչև Սահմանադրական դատարանում գործի դատաքննության...
«Ռադիո Ավրորան» տեղեկացնում է, որ դադարեցնում է սփռումն Արցախում
Իրավական անորոշությունների և ադրբեջանցիների կողմից հաճախականության պարբերաբար խլացման պատճառով…
Ավստրալիայում դատարանը վճռել է, որ ԶԼՄ-ները պատասխանատու են սոցցանցերում իրենց ընթերցողների մեկնաբանությունների համար
Դատարանի վճռի մեջ ասվում է, որ սոցցանցերում էջեր բացելով՝ մեդիաընկերությունները մասնակցում են տեղեկությունների տարածմանը, այդ թվում երրորդ․․․
ԶԼՄ-ներ. Քաբուլում «Թալիբան» շարժումն արգելում է լրագրողներին նկարահանել բողոքի ցույցերը
«ԶԼՄ-ների տեսախցիկներն առգրավվում են, լրագրողներին խնդրում են չնկարահանել, իսկ որոշներին հեռացնում են...
Լրագրողների նկատմամբ այդ խայտառակ, անհամաչափ սահմանափակումները չաշխատեցին. Ռուբեն Մելիքյան
Նույնիսկ եթե իշխանությունը վատն է, բայց եթե որոշում կայացրեց, գիտես, որ այստեղ կա կայունություն, կարող ես կանխատեսել քո ապագան, այս իշխանության…
Ամենաշատ