News
Լրահոս
News
Շաբաթ
Սեպտեմբեր 18
Տեսնել լրահոսը

Այսօր Ադրբեջանի կողմից իրականացված գործողությունը պետք է դիտարկել ավելի մեծ համատեքստում, մասնավորապես, ադրբեջանցիների կողմից արվող ծայրահեղ ապակառուցողական, ծավալապաշտական հայտարարությունների համատեքստում եւ մայիսի 12-ից սկիզբ առած ՀՀ սուվերեն տարածք նրանց նեթափանցման համատեքստում: Այս մասին այսօր՝ հուլիսի 28-ին, Հայաստանի Հանրային հեռուստաընկեության եթերում ասել է «Քաղաքացիական պայմանագիր» կուսակցության պատգամավոր Ռուբեն Ռուբինյանը՝ անդրադառնալով այս գիշեր հայ-ադրբեջանական սահմանին Ադրբեջանի ԶՈՒ-ի կողմից կատարված սադրանքին:

«Մեր գնահատականն այն է, որ այսպիսով Ադրբեջանը փորձում է խաթարել նոյեմբերի 9-ի եւ հունվարի 11-ի եռակողմ հայտարարությունների դրույթների իրագործումը: Բազմաթիվ դրույթներ նա արդեն չի կատարում, մյուսները փորձում է չկատարել: Մասնավորապես, տարածաշրջանային ենթակառուցվածքների ապաշրջափակման գործընթացն է փորձում խաթարել եւ ընդհանրապես, մարտահրավեր է նետում տարածաշրջանի խաղաղությանն ու կայունությանը»,-ասաց Ռուբինյանը:

Նա հավելեց, որ Հայաստանի դիրքորոշումն այն է, որ Հայաստանը կողմ է խաղաղության շուրջ բանակցություններին, Հայաստանը ողջունել է ԵԱՀԿ ՄԽ հմանախագահների ապրիլի 13-ի հայտարարությունը եւ պատրաստ է բանակցությունները վերսկսել ՄԽ համանախագահության ֆորմատով եւ դրույթներով:

«Այդ հայտարարությունն այն մասին էր, որ Արցախի հակամարտությունն ավարտված չէ, որ Արցախի կարգավիճակի հարցը մնում է բաց եւ ՄԽ համանախագահությունն այն ֆորմատն է եւ կողմերին հայտնի սկզբունքներն այն սոկզբունքներն են, երենք շուրջ պետք է տեղի ունենան բանակցությունները: Այդ սկզբունքներից մեկը ինքնորոշման իրավունքն է: Ադրբեջանն է, որ խաթարում է խաղաղության գործընթացը»:

Ռուբեն Ռուբինյանը հայտարարեց, որ ՀՀ-ն միշտ կողմ է եղել խաղաղությանը,. «Բայց եթե որեւէ մեկին թվում է, որ Հայաստանը պետք է գնա անհամաչափ զիջումների կամ իր կարմիր գծերից այն կողմ զիջումների, իրենք սխալվում են: Մենք պաշտպանելու ենք մեր տարածքային ամբողջականությունը ցանկացած գնով:

Ադրբեջանի կողմից չկա խաղաղության օրակարգ, կա ագրեսիվ օրակարգ, բայց պետք է ասեմ, որ մեր օրակարգը ամբողջովին համընկնում է համաշխարհային հանրության, մասնավորապես, միջնորդներից օրակարգի հետ: Աբսուրդ է հայտարարել՝ հակամարտությունն վարտված է: Բա եթե ավարտված է, ի՞նչ գործ ունեն խաղաղապահներն Արցախում: Մենք առաջ ենք մղելու մեր դիրքորոշումը եւ թույլ չենք տալու որևէ ոտնձգություն մեր սուվերեն սահմաններից ներս: Միջազգային հանրությունը պետք է արձագանք տա Ադրբեջանի՝ տարածաշրջանային կայունությունը պայթեցնել փորձող գործողություններին»,-հայտարարեց Ռուբինյանը:

Հարցին, թե ինչ է արել Հայաստանը՝ կանխելու համար Ադրբեջանի կողմից ոտնձգությունները, նա պատասխանեց. «մենք կապի մեջ ենք մեր բոլոր գործընկերների, դաշնակիցների հետ բոլոր հարթակներում: Այս գործընթացները շարունակական են»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եղվարդում տեղի ունեցավ 44-օրյա պատերազմի հերոսների հիշատակը հավերժացնող խաչքար-հուշակոթողի օծման արարողություն
Խաչքար-հուշակոթողը տեղադրվել է 44-օրյա պատերազմի հերոս Արման Ազատյանի հոր՝ Վիգեն Ազատյանի նախաձեռնությամբ և հովանավորությամբ…
Արցախի պատանի ֆուտբոլիստների ավտոբուսի քերված դրոշը փոխարինվել է նորով
Երեկվանից շրջանառվում է մի տեսանյութ, որտեղ երեւում է, թե ինչպես է ադրբեջանցի…
Կատարվածը ահաբեկչության դասական օրինակ է. Ղարախանյանը հանդիպել է «Լեռնային Արցախ» մանկապատանեկան թիմի հետ
Մեր մարզիկները չեն տրվել թուրք ահաբեկչի սադրանքին…
Որևիցե մեկին չի հաջողվի հեռացնել Արցախի դրոշը, Արցախի զինանշանը. Ալեն Սիմոնյան
Սիմոնյանը նշեց, թե որևէ տեղեկություն չունի՝ շարունակվում են արդյոք Գորիս-Կապան ճանապարհի վերաբերյալ բանակցությունները…
Հաշվի է առնվելու տեղի ունեցածը հետագայում նման դեպքերը բացառելու համար. ԱՀ նախագահի խոսնակը` երեկվա միջադեպի մասին
44-օրյա պատերազմի մասնակիցների են պարգեւատրել
Ինձ համար մեծ ուրախություն է պարգևներ հանձնել մերօրյա հերոսներին և հենց իրենց հայտնել իմ երախտագիտությունը,խոնարհումս մեր ընկած Հերոսներին…
Ամենաշատ
Ֆոտոռեպորտաժներ