Գերմանիան կոչ է անում Հայաստանին ու Ադրբեջանին վերականգնել հրադադարը: Այս մասին Twitter- ում գրել է Գերմանիայի Դաշնային Հանրապետության արտաքին գործերի նախարարության Արեւելյան Եվրոպայի, Կովկասի եւ Կենտրոնական Ասիայի գծով տնօրեն Մաթիաս Լյուդենբերգը:
«Հայաստանի եւ Ադրբեջանի միջեւ բռնության նոր աճը խորապես մտահոգիչ է: Գերմանիան կոչ է անում երկու կողմերին վերականգնել հրադադարը եւ անել հնարավորը՝ մարդկային կյանքերը պաշտպանելու համար»,- ասել է նա:
