Իսրայելի ՊՆ ղեկավար Բենի Հանցը Փարիզին վստահեցրել է, որ լրտեսական ծրագրային ապահովումը չի օգտագործվել Ֆրանսիայի նախագահ Էմանուել Մակրոնի հեռախոսը կոտրելու համար:
Փարիզ այցի ժամանակ Հանցը հանդիպել է Ֆրանսիայի ՊՆ ղեկավար Ֆլորենս Պառլիի հետ՝ վստահեցնելով, որ NSO տեխնոլոգիան չի կիրառվել Մակրոնի կամ այլ պաշտոնյաների հեռախոսները կոտրելու համար, հաղորդում է Channel 13-ը:
«Իսրայելը լուրջ է վերաբերվում մեղադրանքներին»,-ասել է Հանցը:
Նա նաեւ տեղեկացրել է Պառլիին, որ պաշտոնյաներն այցելել են NSO գրասենյակ, եւ մեղադրանքները հետաքննվում են:
Պառլին նշել է, որ Ֆրանսիան բացատրությունների է սպասում, որոնցից կախված են երկու երկրների փոխադարձ հարգանքն ու վստահությունը: