News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը


Դա պարզունակ հնարք է, որով իբր փորձում է Ադրբեջանի եւ Ռուսաստանի միջեւ սեպ խրել, որը չի ստացվելու:  Այս մասին NEWS.am-ի հետ զրույցում նշեց ՀՀԿ փոխնախագահ Արմեն Աշոտյանը՝ անդրադառնալով վարչապետի պաշտոնակատար Նիկոլ Փաշինյանի հայտարարությանը, թե Ադրբեջանը մինչ օրս չի ստորագրել Արցախում ռուս խաղաղապահների մանդատը, որ Ադրբեջանում գրեթե բոլոր դատապարտված հայ ռազմագերիները գերեվարվել են խաղաղապահների պատասխանատվության գոտիներում:

«Ալիեւը հայտարարեց, որ իր եւ Պուտինի հարաբերությունները փայլուն են: Ապուշություն է ծախսել դիվնագիտական տեղեկատվական ռեսուրս՝ չունենալով փաստական լուրջ փաստարկներ՝ փչացնելու համար Ռուսաստանի եւ Ադրբեջանի հարաբերությունները: Դու արդան փչացրել են Հայաստան-Ռուսաստան հարաբերությունները, մյուսը քո մոտ չի ստացվելու:

Նա խոսում էր այն մասին, որ կոմունիկացիաների բացումը մեր կենսական շահն է: Կատարյալ սուտ, որովհետեւ կոմունիկացիաների ապաշրջափակումը գին ունի եւ այդ գինը մենք ցավոք սրտի դեռ շարունակելու ենք վճարել: Եթե կոմունիկացիաների ապաշրջափակումը լիներ առանց պատերազմի, առանց էս կորուստների, եթե Հայաստանը պարտված կողմ չլիներ, որին թելադրեն պայմաններ, կարելի էր խոսել կոմունիկացիաների ապաշրջափակման մասին: Բայց մենք պրոցեսի օբյեկտ ենք, մեզ բան են թելադրում: Մեր տարածքի, մեր շահերի հաշվին գնում է աշխարհաքաղաքական սակարկություն եւ մեզ այդ լուրջ խաղի մեջ ներկայացնում են որպես անբարոյական, ի դեմս Նիկոլի»,-ասաց նա:

Աշոտյանը անդրադարձավ նաեւ Փաշինյանի հայտարարությանը, թե ապաշրջափակումով Հայաստանին պետք է ճանապարհ դեպի Կենտրոնական Ասիա, Ռուսաստան եւ Իրան. «Իրանի հետ մենք ճանապարհ ունենք, ունենք ընդհանուր սահման: Մեր ինչի՞ն է պետք դեպի Իրան ճանապարհ Ադրբեջանով: Մեր ինչի՞ն է պետք դեպի Ռուսաստան ճանապարհը այն գծով, որը մոտ 700 կմ է ենթադրում, որն ի տարբերությունը Նախիջեւանին կապող կոմունիկացիայի, ոչ ոք չի հսկելու: Այսինքն ստացվում է, որ Ադրբեջանից Նախիջեւան 40 կմ-անոց հսկելու են, որ անվտանգ լինի, իսկ Երեւանից Դերբենդ 700 կմ-ն ոչ ոք չի հսկելու: Այդ ո՞ր խելագարն է 700-800 կմ Ադրբեջանով գնալու Ռուսաստան կամ ապրանք է ուղարկելու: Միջին Ասիայի մասին էլ չասեմ, մենք չունենք ապրանքաշրջանառության այն ծավալը, որ կարիք ունենայինք լրացուցիչ կոմունիկացիայի դեպի Միջին Ասիա ու Ղազախստան:

Ասում է՝ Ադրբեջանը ճանապարհ կունենա դեպի Նախիջեւան, Իրան: Իրականում այդ կոմունիկացիան Ադրբեջանին պետք է բացառապես Նախիջեւանի համար: Նա ստեց, որովհետեւ չասաց հաջորդը՝ դեպի Թուրքիա: Զավեշտ է ասել, որ այդ կոմունիկացիան Ադրբեջանին թույլ կտա շփվել Վրաստանի հետ: Ադրբեջանը այնքան լոգիստիկ կառուցվածքային թելերով կապված է Վրաստանի հետ, որ զավեշտ է մտածել, որ Ադրբեջանը մեր ճանապարհով է գնալու Վրաստան»:

Ինչ վերաբերում է Փաշինյանի հայտարարությանը, թե Ադրբեջանը ՀԱՊԿ-ին վարկաբեկելու նպատակ ունի, ՀՀԿ փոխնախագահն ասաց. «Հայաստանում փորձում են սնել հակառուսական տրամադրություններ՝ մարդկանց չբացատրելով, որ երբ Հայաստանի ազգային շահը չի ներկայացնում ձեր կողմից ընտրված մարդը, Պուտինը դա անելու պարտավորություն չունի: Ոչ թե Ռուսաստանն է մեր շահերը սակարկում, այլ Նիկոլ Փաշինյանը: Ռուսաստանը ընդամենը միջնորդ է այդ բանակցությունների:

Քանի դեռ մեզ ամբողջությամբ չեն պատմել, թե Նիկոլն էլ ինչ է խոստացել Ալիեւին, մենք չենք կարող ամբողջ պատկերն ունենալ: Այսօր խոսել ՀԱՊԿ-ի մասին այդ տոնայնությամբ, առնվազն զավեշտալի է, որովհետեւ իրենք ՀԱՊԿ-ին դիմել էին խորհրդակցությունների կետով, ոչ թե միջամտության կետով: Ի՞նչ է նշանակում՝ մենք պատասխանատու ենք եւ չենք ուզում ներքաշել մեր գործընկերներին պատերազմական գործողությունների մեջ: Ուրեմն դու այդքան հեղինակություն չունես, որ եթե ադրբեջանցիներն ասում են՝ հայերն են կրակում, Հայաստանն ասում է՝ ադրբեջանցիներն են կրակում, ամբողջ աշխարհը գիտի, որ այս անգամ հայերը ճիշտ են, դու մի հատ էլ դեկորատիվ քայլ ես առաջարկում:

Նիկոլը խոսում է Ադրբեջանի նկատմամբ միջազգային ճնշումների մասին: Ռուսաստանը, ԱՄՆ-ն կոչ են անում երկու կողմերին, էդ ո՞վ է Ադրբեջանին ճնշել: Դու քո տգետ հալով կարողացել ես գեթ մեկ միջազգային ճնշում ապահովե՞լ Ադրբեջանի վրա»:

Ինչ վերաբերում է ՄԱԿ-ի Անվտանգության խորհուրդ դիմելու հավանականությանը, Աշոտյանը նկատեց. ««Այս իշխանության օրոք դիվանագիտական ոչ մի գործիք չի աշխատելու: Հիմա որ դիմի ՄԱԿ-ի Անվտանգության խորհուրդ, ՄԱԿ-ի ԱԽ մշտական անդամներից Նիկոլը չունի աջակցություն: Ֆրանսիան անում է հայահաճո հայտարարություններ, ԱՄՆ-ն երկու կողմին է կոչ անում, Ռուսաստանը երկու կողմին է կոչ անում: Չինաստանն ընդհանրապես չի խոսում: Էնտեղ Բրիտանիա՞ն է մեր շահերը պաշտպանելու: Իսկ ՄԱԿ-ի ԱԽ ոչ մշտական 10 անդամների մեջ ադրբեջանական լոբբիստները աշխատել են հազարապատիկ ավելի ուժեղ:

Իշխանության բանաձեւը շատ պարզ էր՝ տալ Ադրբեջանին այն, ինչ հնարավոր էր տալ, մնացած հատվածը մտցնել ռուսական պրոտեկցիայի տակ եւ վերարտադրվել քաղաքական առումով»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵԽԽՎ բանաձևում ներառվել են հայկական պատվիրակության առաջարկները
Հիշեցնենք, որ ԵԽԽՎ-ում ՀՀ պատվիրակության անդամ, ԵԽԽՎ տեղական և տարածաշրջանային իշխանությունների հարցերով հիմնական զեկուցող Արմեն…
Ադրբեջանը 3 պատերազմ է սկսել հայերի դեմ, հնարավո՞ր է ԼՂ-ն պատկերացնել նրա կազմում. Արմեն Գևորգյանը՝ ԵԽԽՎ-ում
Այսօր մենք Լեռնային Ղարաբաղում ականատես ենք ծանր հումանիտար ճգնաժամի...
ՄԱԿ-ում Ադրբեջանի մշտական ներկայացուցիչը «մոռացել է» պատմել գերեվարված հայ զինվորների գնդակահարության մասին
Նամակում թվարկված են ԶԼՄ-ներում պարբերաբար շրջանառվող ադրբեջանական «ապացույցները», որոնք հիմնված են շինծու նյութերի վրա․․
Հայկական կողմը պատրաստ է Հայաստանի, Վրաստանի եւ Ադրբեջանի ղեկավարների հանդիպմանը. Միրզոյան
Այժմ շրջանառվում է Հայաստանի, Վրաստանի և Ադրբեջանի ղեկավարների հանդիպման գաղափարը. հայկական կողմը պատրաստ է դրան...
Գնդակն այժմ Ադրբեջանի դաշտում է. Միրզոյանը՝ խաղաղության պայմանագրի նախագծի մասին
Անկախ Լաչինի միջանցքում ադրբեջանական ապօրինի գործողություններից և մոսկովյան հանդիպման հետաձգումից՝ մենք ավելի քան մեկ ամիս առաջ...
Առաջին պատժվողը պետք է լինի Նիկոլն իր ժեխակույտով. զոհվածի մայրը դժգոհ է նախաքննությունից
Եկել ենք, որ հասկանանք, թե մեր գործն ուր է հասել, եկել ենք աասենք, որ մենք անտարբեր չենք, մատների արանքով չենք նայում այս ամենին, այս ցավի հետ սա...
Ամենաշատ