ՉԺՀ ԱԳՆ-ն բողոքի է հղել ԱՄՆ-ին՝ Չինաստանում լրագրողների հետապնդման մասին Պետդեպի հայտարարության պատճառով: Այս մասին հայտնել է ՉԺՀ ԱԳՆ ներկայացուցիչ Չժաո Լիցզյանը, հաղորդում է ՏԱՍՍ-ը:
«Չինաստանը վճռական բողոք է հայտնում ԱՄՆ-ին՝ կապված այդ հայտարարությունների հետ: Երկակի ստանդարտներ ցուցադրելը սխալ պրակտիկա է: Ինչ վերաբերում է լրագրողներին ճնշելուն եւ վախեցնելուն, ես հիշեցնեմ ամերիկյան կողմին, որ 2018 թվականին ԱՄՆ-ն հրաժարվել է վիզա տրամադրել ավելի քան 20 չինացի լրագրողի: Նրանք խտրական քաղաքականություն են վարում»,-ասել է նա:
