News
Լրահոս
News
Երեքշաբթի
Մարտ 19
Տեսնել լրահոսը

Թուրքիայի Անթալիա նահանգի Մանավգաթ քաղաքում բռնկված հրդեհից փրկված Հաթիջե Էնխոշն ասել է, որ ինքն ու իր ընտանիքը ստիպված են եղել փախչել կրակից՝ առանց իշխանությունների օգնության, որոնց նա մեղադրում է անփութության մեջ, հաղորդում է Ahval-ը:

Լճի մոտ գտնվող ռեստորանի սեփականատեր Էնխոշը հիշում է Մանավգաթում բռնկված հրդեհի առաջին գիշերը: Կեսգիշերն անցել էր, երբ նրանք հեռվից առաջին անգամ ծուխ տեսան: Կրակը նրանց հասավ ընդամենը 15 րոպեում:

Երեխաներին հավաքելուց հետո Էնխոշն ու նրա ընտանիքը թողել են ռեստորանը եւ փախել: Կրակը շատ արագ տարածվել է տարբեր ուղղություններով՝ ավտոմեքենայով հեռանալու համար, ուստի ստիպված էին նավակով անցնել լիճը:

«Եթե լիճը չլիներ, մենք ելք չէինք ունենա,- ասաց կինը:- Բոլոր ճանապարհները փակ էին»:

Էնխոշը հիշում է, որ իրենք զանգահարել են շտապ օգնություն, բայց միացել են միայն թեժ գծերին, որոնք խոստացել են օգնություն ուղարկել, բայց այդպես էլ չեն ուղարկել:

«Ես բողոքում եմ բոլոր իշխանություններից»,- ասել է նա՝ վիճարկելով նրանց պնդումները, թե իրենք ինքնաթիռներ եւ ուղղաթիռներ են ուղարկել օգնության:

«Օյմապինար պատնեշից մինչեւ Մանավգաթ պատնեշի հեռավորությունը մոտ 3-4 կիլոմետր է, -ասաց նա:- Եթե նրանք փրկարարական ջոկատից մեկին ուղարկեին, նա մեզ կգտներ 5 րոպեում»:

Էնխոշը հայտնել է, որ իշխանությունները, հակառակ իրենց պնդումների, «իրենց թողել են բախտի քմահաճույքին»:

Էնխոշի բարեկամը՝ փաստաբան Դիլշադ Էնխոշը, ասել է, որ իր հորաքրոջ 10 հոգանոց ընտանիքը կարող էր զոհվել այդ գիշեր:
«Նավակը մի քանի ժամ մնացել է կրակի մեջ: Իմ ընտանիքը ոչ ոք չփրկեց, նրանց բախտը բերեց եւ նրանք ինքնուրույն ողջ մնացին»,- ասաց նա:

 

!
Այս նյութը հասանելի է նաև   Русский
Տպել
Ամենաշատ