News
Լրահոս
News
Երեքշաբթի
Սեպտեմբեր 28
Տեսնել լրահոսը

2021թ. օգոստոսի 1-ին՝ ժամը 00:55-ին, ՀՀ ոստիկանության Կենտրոնական բաժնում քաղաքացուց ահազանգ է ստացվել այն մասին, որ Երեւան քաղաքի Սախարովի հրապարակի մոտ իր ավտոմեքենայի վրա կրակել են: Այս մասին NEWS.am-ը տեղեկանում է Քննչական կոմիտեից։

«Ձեռնարկված միջոցառումների արդունքում պարզվել է, որ նույն օրը՝ ժամը 00:55-ի սահմաններում, Երեւան քաղաքի Վարդանանց փողոցում՝ «Վերնիսաժ» տոնավաճառի ուղղությամբ, ենթադրյալ հանցագործություն կատարած անձն իր մոտ ապօրինի կերպով պահվող հրազենից, ապօրինաբար կյանքից զրկելու դիտավորությամբ, կրակոցներ է արձակել վերոնշյալ քաղաքացու «Ռենջ Ռովեռ Սպորտ» մակնիշի ավտոմեքենայի ուղղությամբ, սակայն իր կամքից անկախ հանգամանքներով հանցագործությունն ավարտին չի հասցրել:

Դեպքի առթիվ ՀՀ քննչական կոմիտեի Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական երրորդ բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով եւ 235-րդ հոդվածի 1-ին մասով:

Նախաքննության ընթացքում կատարված դեպքի վայրի զննությամբ հայտնաբերվել եւ վերցվել է 8 հատ 9մմ տրամաչափի կրակված պարկուճ, իսկ նշված ավտոմեքենայի զննությամբ` վարորդի դռան ուղղությամբ հայտնաբերվել է կրակված 5 հետք: Հարցաքննվել են մի շարք անձինք, առգրավվել են դեպքի վայրը տեսանկարահանող սարքավորումները, նշանակվել դատաձգաբանական փորձաքննություն:

Քրեական գործով կատարված անհետաձգելի քննչական եւ դատավարական այլ գործողությունների արդյունքում պարզվել է ենթադրյալ հանցագործություն կատարած անձի ինքնությունը, որը Երեւանի բնակիչ է: Վերջինս ներգրավվել է որպես մեղադրյալ՝ ՀՀ քրեական օրենսգրքի 34-104-րդ հոդվածի 2-րդ մասի 1-ին կետով եւ 235-րդ հոդվածի 1-ին մասով:

Վարույթն իրականացնող մարմնի կողմից որոշում է կայացվել՝ նրան ձերբակալելու մասին, որի կատարումը հանձնարարվել է ՀՀ ոստիկանության համապատասխան ստորաբաժանմանը:

Նախաքննությունը շարունակվում է»,- ասվում է հաղորդագրության մեջ։

Տպել
Կարդացեք նաև
Ամբողջը
Երեւանում տարբեր գերեզմանատներից դանակահարված երկու քաղաքացի է տեղափոխվել հիվանդանոց
Վարդաշենի եւ «Հաղթանակ» թաղամասի գերեզմանոցներից…
Անչափահասի կողմից դանակահարություն կատարելու գործն ուղարկվել է դատարան․ ՔԿ
Ձեռք բերված բավարար ապացույցների համակցությամբ՝ պատանուն…
ՌԴ ԱԴԾ-ն արգելափակել է Թուրքիայից համակարգվող թմրամիջոցների ապօրինի շրջանառության խոշոր ցանցերից մեկը
Հարուցվել են քրեական գործեր, ձերբակալվածների նկատմամբ մեղադրանք է առաջադրվել եւ խափանման միջոց է կիրառվել կալանավորումը:
Շվեդիայում բռնաբարության զոհը դատապարտվել է հանցագործների հասցեին նացիստական ժեստ ցուցադրելու համար
Պարբերականի տվյալներով՝ 21-ամյա Քենին շվեդական Մալմո քաղաքում վեց ժամ բռնության է ենթարկվել միգրանտների բանդայի կողմից...
«Առյուծ արքա» ՍՊԸ-ի հիմնադիր տնօրենը հաղորդում է ներկայացրել, որ ոստիկանության գեներալ-մայորն իրեն սպառնացել է սպանել
Գեներալ-մայորն ինքնակամ ներկայացել է բաժին…
Ձերբակալվել է «օրենքով գող» Տոլիկ Նոգինսկին․ նրա մոտ թմրանյութ է հայտնաբերվել
Հարցաքննության ժամանակ նա ասել է, որ Միներալնիե Վոդի է եկել բուժման նպատակով։
Ամենաշատ