Օդի ջերմաստիճանի բարձրացման պատճառով Գրենլանդիայում գրանցվում է սառցե շերտի սրընթաց հալոցք: Սկսած հուլիսի 28-ից՝ ամեն օր հալչում է շուրջ ութ միլիարդ տոննա սառույց, ինչը երկու անգամ ավելին է, քան սովորական ամառային սեզոնին, հաղորդում է Deutsche Welle-ը:
Չորեքշաբթի՝ հուլիսի 28-ին, այնտեղ գրանցվել է օդի ռեկորդային ջերմաստիճան՝ 19,8 աստիճան տաքություն: 2021 թվականի ամռան ընթացքում վահանը կորցրել է ավելի քան 100 միլիարդ տոննա սառույց:
Այն դեպքում, եթե Գրենլանդիայի սառցե ծածկույթն ամբողջությամբ հալվի, ծովի մակարդակը կբարձրանա առնվազն 6 մետրով: Դրա հետեւանքով ջրի տակ կանցնեն ծովափնյա քաղաքներն ամբողջ աշխարհում՝ չնայած դրանք առանց այդ էլ մշտապես գտնվում են այդ սպառնալիքի ներքո:
