Կիրակի Սլովակիայում մեկնարկել է կորոնավիրուսի դեմ պատվաստվածների համար վիճակախաղը, հաղորդում է Ռոսիսկայա գազետա-ն:
Վիճակախաղի նպատակն է ներգրավել հանրապետության բնակիչներին կորոնավիրուսի դեմ պատվաստման գործընթացում: Յուրաքանչյուր վիճակախաղի մրցանակային ֆոնդը կազմում է 2 միլիոն եվրո: Շահումի առավելագույն չափը 100 հազար եվրո է, նվազագույնը՝ 1 000 եվրո:
Այդպիսի արտասովոր մոտիվացիոն միջոցի մասին որոշումը Սլովակիայի խորհրդարանը հաստատել է հուլիսի 2-ին: Բացի վիճակախաղից, իշխանությունները վճարում են փոխհատուցում քաղաքացիներին, որոնք կկարողանան համոզել հայրենակիցներին պատվաստվելու անհրաժեշտության մասին: Այսպես, պատվաստման կենտրոն մինչեւ 50 տարեկան ուղղորդված յուրաքանչյուր քաղաքացու համար նրանք կարող են ստանալ 30 եվրո, 50-60 տարեկանների դեպքում՝ 60 եվրո, իսկ 60-ից բարձր տարիք ունեցող անձանց համար՝ 90 եվրո:
Ակցիան կգործի մինչեւ ընթացիկ տարվա հոկտեմբերի վերջ՝ չնայած պետությունը չի բացառում վիճակախաղի շարունակությունը, եթե այն հաջողվի: Սլովակիան պատվաստվածների թվով գտնվում է վերջին հորիզոնականներում Եվրամիությունում:
