News
Լրահոս
News
Կիրակի
Սեպտեմբեր 19
Տեսնել լրահոսը


Հայաստանի ԱԺ-ում 1999-ի հոկտեմբերի 27-ին տեղի ունեցած ողբերգական իրադարձությունները չեն վերաբերում միայն այս խորհրդարանի գործունեությանը: Այս մասին, այսօր՝ օգոստոսի 2-ին նորընտիր Ազգային ժողովի նստաշրջանի առաջին օրը խորհրդարանի շենքի մոտ լրագրողների հետ զրույցում նշեց ՔՊ-ից ընտրված պատգամավոր, գործարար Գուրգեն Արսենյանը՝ անդրադառնալով նրան, որ ԱԺ անվտանգությունը բավական խտացվել է եւ շատերը դա կապում են նրա հետ, որ Հայաստանի խորհրդարանում հոկտեմբերի 27 է եղել, 2020-ի նոյեմբերին հարձակման է ենթարկվել ԱԺ շենքը, մահափորձ է եղել ԱԺ նախագահի նկատմամբ:

«Մենք տեսել ենք, որ խորհրդարանի շենքի պատերի ներսում տեղի է ունեցել ահաբեկչական գործողություն: Մենք պետք է հաշվի առնենք այն ժամանակահատվածը, որտեղ ապրում ենք: Մենք անցած տարի ունեցել ենք մեզ համար ցավալի լայնածավալ պատերազմական գործողություններ: Հարեւան պետության հետ մեր հարաբերությունները դիվանագիտականից անցել են մարտականի: Չմոռանանք, որ մարտական գործողությունները կարող են իրականացվել նաեւ այլ գործիքակազմով ՀՀ-ում»,-ասաց նա:

Արսենյանը նկատեց, որ այսօր Հայաստանն Ադրբեջանի հետ ունիի հրադադարի համաձայնագիր, բայց չունի խաղաղության պայմանագիր, որը մեզ ավելի մեծ վստահություն կտար, որ ՀՀ ներքին քաղաքական գործընթացներում չկա այլ երկրների մասնակցություն:

«Չմոռանանք, որ այլ երկրների մասնակցությունը չի սպառվում միայն հարեւան պետության մասնակցությամբ: Կան երկրներ, որոնք եւս շահեր ունեն տարածաշրջանում եւ որոնք ունեն նաեւ իրենց գործիքակազմը, որը երբեմն դուրս է մեր պատկերացումներից: Կան նաեւ կազմակերպություններ, որոնք ռադիկալ բնույթի կազմակերպություններ են, հետապնդում են ավելի ակտիվ, դեստրուկտիվ նպատակներ, որոնք պետական կազմավորումներ չեն, այլ ծայրահեղական, ահաբեկչական, կրոնական կազմակերպություններ են, որոնց թիրախում կարող ենք հայտնվել նաեւ մենք»,-ընդգծեց պատգամավորը:

Տպել
Կարդացեք նաև
Ամբողջը
Եղվարդում տեղի ունեցավ 44-օրյա պատերազմի հերոսների հիշատակը հավերժացնող խաչքար-հուշակոթողի օծման արարողություն
Խաչքար-հուշակոթողը տեղադրվել է 44-օրյա պատերազմի հերոս Արման Ազատյանի հոր՝ Վիգեն Ազատյանի նախաձեռնությամբ և հովանավորությամբ…
Արցախի պատանի ֆուտբոլիստների ավտոբուսի քերված դրոշը փոխարինվել է նորով
Երեկվանից շրջանառվում է մի տեսանյութ, որտեղ երեւում է, թե ինչպես է ադրբեջանցի…
Կատարվածը ահաբեկչության դասական օրինակ է. Ղարախանյանը հանդիպել է «Լեռնային Արցախ» մանկապատանեկան թիմի հետ
Մեր մարզիկները չեն տրվել թուրք ահաբեկչի սադրանքին…
Որևիցե մեկին չի հաջողվի հեռացնել Արցախի դրոշը, Արցախի զինանշանը. Ալեն Սիմոնյան
Սիմոնյանը նշեց, թե որևէ տեղեկություն չունի՝ շարունակվում են արդյոք Գորիս-Կապան ճանապարհի վերաբերյալ բանակցությունները…
Հաշվի է առնվելու տեղի ունեցածը հետագայում նման դեպքերը բացառելու համար. ԱՀ նախագահի խոսնակը` երեկվա միջադեպի մասին
44-օրյա պատերազմի մասնակիցների են պարգեւատրել
Ինձ համար մեծ ուրախություն է պարգևներ հանձնել մերօրյա հերոսներին և հենց իրենց հայտնել իմ երախտագիտությունը,խոնարհումս մեր ընկած Հերոսներին…
Ամենաշատ