News
Լրահոս
News
Հինգշաբթի
Սեպտեմբեր 23
Տեսնել լրահոսը

Մեղրի համայնքի նախկին ղեկավար Մխիթար Զաքարյանը, ով «Հայաստան» դաշինքի խորհրդարանական խմբակցության կողմից առաջադրվել էր որպես Հայաստանի Ազգային ժողովի նախագահի պաշտոնի թեկնածու, ներկայումս որպես պատանդ պահվում է գործող իշխանության կողմից: Այս մասին օգոստոսի 2-ին 8 -րդ գումարման նորընտիր Ազգային ժողովի անդրանիկ նիստին ասաց «Հայաստան» դաշինքի խորհրդարանական խմբակցության քարտուղար Արծվիկ Մինասյանը՝ մեկնաբանելով Զաքարյանի ձերբակալությունը:

Նրա խոսքով՝ այսպիսի քայլերը ներկայիս կառավարության անփոփոխ վարքագծի հստակ վկայությունն են: «Մենք հետեւողականորեն պայքարելու ենք մեր ընկերների ազատության համար: Եվ ոչ միայն այն պատճառով, որ նրանք պետք է ազատության մեջ լինեն, այլեւ՝ այն պատճառով, որ մենք պաշտպանում ենք իրավունքը որպես այդպիսին: Այնպես որ, պատճառը բավականին պարզ ու հասկանալի է»,- ասաց Մինասյանը:

Նա նաեւ ներկաներին հիշեցրեց, որ Մխիթար Զաքարյանը Ղարաբաղի եւ Հայաստանի դեմ Ադրբեջանի սանձազերծած պատերազմի առաջին օրերից գտնվում էր առաջնագծում:

Արդյունքում, ինչպես նշեց խորհրդարանականը, ստացվեց այնպես, որ հայրենիքի պաշտպան որդիները գտնվում են ճաղերի հետեւում, իսկ դավաճաններն ու դիվերսանտներն ազատության մեջ են:

«Ավելին, հենց նրանք են ղեկավարում մեր երկիրը եւ որոշում դրա ապագան»,- եզրափակեց ընդդիմադիրը:

 

!
Այս նյութը հասանելի է նաև   Русский
Տպել
Ամենաշատ