Ղրղզստանի նախկին նախագահ Ասկար Ակաեւին տեղափոխել են Բիշքեկ: Նրա նկատմամբ միջազգային հետախուզում էր հայտարարվել «Կումտոր» ոսկու հանքի գործունեության մասին գործով: Այս մասին հայտնում է ղրղզական AKIpress գործակալությունը:
Ձեռնարկված միջոցառումների արդյունքում նախկին նախագահը տեղափոխվել է Բիշքեկ, որտեղ քրեական պատասխանատվության կենթարկվի:
Ղրղզստանի իշխանությունը միջազգային հետախուզում էր հայտարարել նախկին նախագահներ Ասկար Ակաեւի եւ Կուրմանբեկ Բակիեւի նկատմամբ ենթադրյալ կոռուպցիայի մասին գործով՝ կապված վերոնշյալ հանքի գործունեության հետ:
Ակաեւը Ղրղզստանի նախագահն էր 1991-2005 թթ. եւ հեռացվել էր հեղաշրջման արդյունքում: Դրանից հետո նա մեկնել էր Մոսկվա, որտեղ բնակվում էր մինչ վերջերս:
