News
Լրահոս
News
Երկուշաբթի
Սեպտեմբեր 20
Տեսնել լրահոսը


Եթե իշխանությունները համարձակություն ունենան այդ քննիչ հանձնաժողովը հանձնել ընդդիմադիր խմբակցություններին, այդ պարագայում ես կհասկանամ, որ իշխանությունը ցանկանում է անաչառ քննություն կատարել 44-օրյ պատերազմի ուսումնասիրման հարցով: Այս մասին, այսօր՝ օգոստոսի 2-ին, ԱԺ-ում լրագրողների հետ զրուցյում նշեց «Հայաստան» խմբակցության ղեկավար, պաշտպանության նախկին նախարար Սեյրան Օհանյանը:

Դիտարկմանը, որ Նիկոլ Փաշինյանն Շուշիի վերաբերյալ ասում էր, որ պետք է կոնկրետ անձինք բացատրություններ տան եւ այդ անձանց թվում նշում նաեւ Սեյրան Օհանյանին, նա ասաց. «Եթե Նիկոլ Փաշինյանը տիրապետում է պետական կառավարման եւ ռազմական կառավարման համակարգին, եւ ընդհանուր առմամբ այն անձանց, որոնք այդ համակարգի ներսում են եղել եւ պաշտոններ զբաղեցրել, ինքը եւ ընդհանրապես, մեր ժողովուրդը պետք է հասկանան, որ որեւէ մեկ անձ, որը որեւէ պետական կամ ռազմական պաշտոնում չի եղել, չէր կարող որեւէ լծակ ունենար այս կամ այն գործողությունը ղեկավարելու համար: Որոշումներ կայացնելու իրավունքը տրված է պետությանը, գերագույն հրամանատարին եւ ռազմական ղեկավարությանը: Մնացած անձինք, որոնք այս կամ այն պահին խորհուրդներ են տվել, այդ խորհուրդները լիակատար ընդունելու համար են եղել: Ես այդպիսի հնարավորություններ եւ լծակներ չեմ ունեցել»:

Ինչ վերաբերում է նրան, որ իշխանությունը շտապեց հայտարարել, որ մտադիր են ստեղծել 44-օրյա պատերազմն ուսումնասիրող քննիչ հանձնաժողով, Սեյրան Օհանյանն ասաց. «Կարծում եմ՝ նրանք փորձել են հասկացնել, որ պաշտպանության, անվտանգության հանձնաժողովն իրենցն է լինելու եւ այդ հանձնաժողովի  շրջանակներում են ձեւավորելու քննիչ հանձնաժողովը: Իսկ եթե այդ հանձնաժողովի շրջանակներում չի լինելու հավասար որոշումներ ընդունելու սկզբունքը, ես գտնում եմ, որ անիմաստ է խոսել այն մասին, որ անաչառ քննություն կանցկացնեն»:

Նա անդրադարձավ նաեւ նրան, որ ԱԺ ՔՊ պատգամավոր Անդրանիկ Քոչարյանն ասել էր, թող Սեյրան Օհանյանը բացատրի, թե շքեղ առանձնատուն իրեն որտեղից, ինչ միջոցներով է ձեռք բերել, պաշտպանության նախկին նախարարն ասաց. «Այդ բոլոր հարցերը կարող եք տալ Անդրանիկ Քոչարյանին: Ես մեկ բան միայն կարող եմ ասել, որ Անդրանիկ Քոչարյանը դատավոր չէ: Բոլոր հնարավորություններն իրենք ունեն ստուգումներ իրականացնելու եւ պարզելու: Եթե խոսքն անվտանգության համակարգի մասին է, անվտանգւթյան խնդիրների, 44-օրյա պատերազմի մասին է, դա չի կարող իջնել ասֆալտի, պարկետի մակարդակի: Անվտանգության հարցերի շուրջ քննարկելու բազմաթիվ հարցեր կան, որը պետական կռավարման համակարգի միջոցառումների, գործունեության եւ պարտականությունների մեջ են մտնում»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՌԴ կառավարության փոխվարչապետ. Միջանցքների հարցը չի քննարկվում
«Քննարկվում է Անդրկովկասում տնտեսական եւ տրանսպորտային կապերի ապաշրջափակման հարցը...
Ճանապարհների ապաշրջափակումը դրական էֆեկտ կունենա, բայց ծավալային իմաստով ինչ կլինի, այս պահին դժվար է ասել. Փոխվարչապետ
Մենք այսօր իրականացնում ենք մի միջոցառում, որը մեծ նշանակություն ունի նմեր տնտեսության համար. խոսքը վերաբերում է մասնավորապես, ՀՀ-ի եւ ՌԴ-ի...
Քանի կա Նիկոլը՝ Ռեջեփ-Իլհամ-Նիկոլ եռյակի համատեղ ջանքը գործելու է, ի հաշիվ Հայաստանի և հայ ժողովրդի․ Արտակ Զաքարյան
Առանց Իլհամ Ալիևի և Նիկոլ Փաշինյանի գործուն աջակցության և փոխհամաձայնեցված խաղի, Թուրքիան երբեք Հարավային Կովկաս...
Գորիս-Կապան հատվածում չկան անվտանգային մեխանիզմներ, որոնք կկանխեն առևանգման կամ մոլորվելու դեպքերը․ Տիգրան Աբրահամյան
Երեկ երեկոյան հայրենիք վերադարձած ՀՀ 2 քաղաքացիների՝ Ադրբեջանի վերահսկողության տակ գտնվելը դեռ կուսումնասիրվի…
Եղվարդում տեղի ունեցավ 44-օրյա պատերազմի հերոսների հիշատակը հավերժացնող խաչքար-հուշակոթողի օծման արարողություն
Խաչքար-հուշակոթողը տեղադրվել է 44-օրյա պատերազմի հերոս Արման Ազատյանի հոր՝ Վիգեն Ազատյանի նախաձեռնությամբ և հովանավորությամբ…
Արցախի պատանի ֆուտբոլիստների ավտոբուսի քերված դրոշը փոխարինվել է նորով
Երեկվանից շրջանառվում է մի տեսանյութ, որտեղ երեւում է, թե ինչպես է ադրբեջանցի…
Ամենաշատ