News
Լրահոս
News
Հինգշաբթի
Սեպտեմբեր 16
Տեսնել լրահոսը

Նյու Յորքի նահանգի գլխավոր դատախազությունը պարզել է, որ նահանգապետ Էնդրյու Կուոմոն 2013-2020 թվականների ընթացքում սեռական ոտնձգություն է կատարել մի քանի կանանց նկատմամբ:

Ըստ 165 էջանոց զեկույցի՝ նահանգապետը նաեւ պատժել է նախկին աշխատակցուհուն, ով հրապարակայնորեն բողոքել է նրա վարքագծից:

Կանայք եղել են Կուոմոյի հետ աշխատող հաստիքային աշխատակիցներ: «Սա տխուր օր է Նյու Յորքի համար, քանի որ անկախ քննիչները եկել են այն եզրակացության, որ նահանգապետ Կուոմոն սեռական ոտնձգություն է կատարել մի քանի կանանց նկատմամբ եւ դրանով իսկ խախտել օրենքը»,- հայտարարել է գլխավոր դատախազ Լետիսիա Ջեյմսը: «Ես շնորհակալ եմ բոլոր կանանց, ովքեր մանրամասն պատմել են իրենց պատմությունները, ինչը թույլ է տվել քննիչներին հասնել ճշմարտությանը: Ոչ մի տղամարդու, անկախ նրանից, թե որքան հզոր է նա, չի կարելի թույլ տալ հետապնդել կանանց կամ խախտել մարդու իրավունքների մասին մեր օրենքները»:

Զեկույցում նաեւ առաջին անգամ շարադրվում են այն պնդումները, որ Կուոմոն անվտանգության ծառայության պաշտոնում գտնվելիս սեռական ոտնձգություն է կատարել ոստիկան կնոջ նկատմամբ: Նահանգապետը ձեռքը սահեցրել է նրա փորի եւ մեջքի վրայով, համբուրել է նրա այտը, խնդրել նրան օգնել ընկերուհի գտնել եւ հարցրել, թե ինչու նա շրջազգեստ չի հագնում:

«Այս համարձակ կանայք առաջ են գնացել ճշմարտությունն ասելու համար, նրանք կարծում են, որ չնայած նահանգապետը կարող է հզոր լինել, ճշմարտությունն ավելի կարեւոր է»,- ասել է հետաքննությունը ղեկավարող Ջուն Քիմը:

Անցյալ ձմռանը Կուոմոն ենթարկվել է բազմաթիվ մեղադրանքների, որ անպատշաճ կերպով հպվել եւ սեռական ոտնձգություններ է կատարել իր հետ աշխատող կամ հանրային միջոցառումներին հանդիպած կանանց նկատմամբ: Օգնականներից մեկն ասել է, որ նա շոշափել է իր կուրծքը:

Մեկ ուրիշը հայտարարել է, որ Կուոմոն գրասենյակում համբուրել է իր շուրթերը եւ «ամեն կերպ փորձել է շոշափել իր մեջքի ներքեւի մասը, ձեռքերն ու ոտքերը»:

Այլ օգնականներ ասել են, որ նահանգապետն իրենց անցանկալի անձնական հարցեր է տվել սեքսի եւ ծանոթությունների վերաբերյալ: Նախկին օգնական Շարլոտա Բեննեթն ասել է, որ Կուոմոն հարցրել է, թե ինքը բաց է արդյոք իրենից մեծ տղամարդու հետ սեռական հարաբերությունների համար:

«Ոմանք տուժել են մարմնի ամենաինտիմ մասերի անցանկալի հպումներից եւ բռնելուց: Մյուսները՝ բազմաթիվ վիրավորական, սեռական կամ գենդերային մեկնաբանությունների համար, որոնք «անհարմար եւ անպատշաճ» են եղել»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Առյուծ արքա» ՍՊԸ-ի հիմնադիր տնօրենը հաղորդում է ներկայացրել, որ ոստիկանության գեներալ-մայորն իրեն սպառնացել է սպանել
Գեներալ-մայորն ինքնակամ ներկայացել է բաժին…
Ձերբակալվել է «օրենքով գող» Տոլիկ Նոգինսկին․ նրա մոտ թմրանյութ է հայտնաբերվել
Հարցաքննության ժամանակ նա ասել է, որ Միներալնիե Վոդի է եկել բուժման նպատակով։
Մեքսիկական դատարանը 28 տարվա ազատազրկման է դատապարտել «Խուարես» թմրակարտելի պարագլխին
Վերջին տարիներին 58-ամյա Ֆուենտեսը գտնվում էր Պուենտե Գրանդեում խիստ ռեժիմի բանտում․․․
Ոստիկանները մետրոյի Գարեգին Նժդեհի կայարանից զինված ուսանողի են բերման ենթարկել
Երիտասարդի մոտ հայտնաբերվել է կռփազենք...
Ոստիկանները մեթամֆետամինի իրացման դեպքեր են բացահայտել. 23-ամյա աղջիկն ու 37-ամյա տղամարդը կալանավորվել են
Հայտնաբերվել է մեթամֆետամինով լցված 12 փաթեթ...
54-ամյա տղամարդու սպանության համար մեղադրանք է առաջադրվել ընկերոջը
Քննությամբ ձեռք բերված փաստական տվյալների համաձայն՝ 2020թ. մարտի 18-ին …
Ամենաշատ